ingalator.com.ua сӑнӳкерчӗкӗ

Муркаш районӗнчи икӗ шкулти медицина пӳлӗмӗнче тонометр та пулман.

Вӗренӳ учрежденийӗсенче ҫул ҫитменнисен сывлӑхне сыхлас енӗпе епле ӗҫленине прокуратура тӗрӗсленӗ. Нискассинчи тата Ильинкӑри вӑтам шкулсенчи тухтӑр пӳлӗмӗсенче кирлӗ приборсемпе оборудовани пулман. Вӗсенче, сӑмахран, тонометр, динамометр, холодильник, юн кайма пуҫласан ҫыхса лартмалли жгут, наҫилкка тата ытти пулман.

Кӑлтӑка тупса палӑртнӑ хыҫҫӑн надзор органӗ суда тавӑҫпа тухнӑ, унта вӑл вӗренӳ учрежденийӗсене медицина пӳлӗмӗсене туллин тивӗҫтерме хистеме ыйтнӑ.

#Нискасси, #муркаш районӗ, #тӗрӗслевсем, #прокуратура, #сывлӑх, #шкулсем, #Ильинка