"Чувашский край" страницӑран илнӗ сӑнӳкерчӗк

Чӑваш ҫемйи Абхазирен 7 дипломпа таврӑннӑ.

Асӑннӑ ҫӗршывра наци культурисен «Алтын Майдан» пӗтӗм тӗнчери фествалӗ иртнӗ. Унта Алёна Силпи чӑваш юрӑҫи хӑйӗн ҫемйипе хутшӑннӑ. Вӗсем тӳресене хӑйсен тӗлӗнсе каймалла хитре тумӗпе (чӑваш тумӗпе!) тата илемлӗ юррисемпе тыткӑнланӑ.

Ҫемье 7 диплом ҫӗнсе илнӗ. «Пиллӗккӗшне эпӗ тивӗҫрӗм, Савелийпе Мирослав ывӑлӑмсем пӗрер дипломлӑ пулчӗҫ», — каласа кӑтартнӑ чӑваш хӗрарӑмӗ халӑх тетелӗнчи хӑйӗн страницинче.

#чӑвашсем, #фестивальсем, #ҫемьесем, #Абхази, #юрӑҫсем