Яндекс.дзен сайтри сӑн

Ҫӗртме уйӑхӗн 14-мӗшӗнче Шупашкарта пурӑнакан 60 ҫулти хӗрарӑм полицие пынӑ. Унӑн 13 ҫулти мӑнукӗ ултавҫӑсен тӗлне лекнӗ.

Хӗрарӑм каласа кӑтартнӑ тӑрӑх, хӗрача патне 50 пин тенкӗ выляса илни пирки хыпар килнӗ. Вӑл ҫакна ӗненнӗ. Лешсем янтӑ нухрата илес тесен кӑштах укҫа куҫармаллине каланӑ, ӑна тавӑрса пама шантарнӑ.

Хӗрача асламӑшӗн /е кукамӑшӗн/ харпӑр кабинетне кӗрсе палламан ҫынсем каланӑ счет ҫине 30 пин тенкӗ куҫарнӑ. Хӗрарӑм кун пирки пӗлсен ҫав ҫынсем ултавҫӑсем пулнине ӑнлантарнӑ.

Кун тӗлӗшпе пуҫиле ӗҫ пуҫарнӑ

#Шупашкар, #ултавҫӑсем, #полици, #ачасем, #укҫа-тенкӗ