Ҫу уйӑхӗн 4-мӗшӗнче 22 сехет тӗлӗнче Шупашкар хулинче ҫамрӑк арҫын машина урапи айне чутах пулман.

Хайхискер Энтузиастсен урамӗнчи 3-мӗш ҫурт тӗлӗнче ҫул урлӑ каҫас тенӗ. Унта ҫуран ҫӳрекенсене каҫса ҫӳремелли ятарлӑ вырӑн пулман. Апла пулин те 36 ҫулти вӑйпитти ҫул урлӑ каҫма тытӑннӑ.

Ҫул-йӗр правилине катертекен этем ҫине «Лада Веста» автомобиль пырса кӗнӗ. Унпа ҫапӑннӑ хыҫҫӑн арҫын «BMW» автомобиль (вӑл пассажирсене антарса хӑварма тесе чарӑннӑ) ҫине пырса тӑрӑннӑ.

#Шупашкар, #пӑтӑрмахсем, #ҫул-йӗр, #машинӑсем, #сывлӑх