Иртнӗ канмалли кунсенче республикӑра икӗ ача ҫӳллӗшӗнчен ӳкнӗ. Пӗрремӗш тӗслӗх утӑ уйӑхӗн 10-мӗшӗнче пулнӑ. Шупашкарта 2 ҫулти хӗрача москитлӑ сетка ҫине таянса 3-мӗш хутран персе аннӑ. Вӑл лавкка тӑррине ӳкнӗрен вӑйлах суранланман.

Ҫав кунах каҫхине Йӗпреҫре 4-ри арҫын ача 3-мӗш хутри чӳречерен ӳкнӗ. Ӑна Шупашкарти пульницӑна илсе ҫитернӗ. Ача амӑшӗпе уҫӑлса таврӑннӑ. Киле кӗрсен алӑк хупӑнса ларнӑ, аслисем тулта юлнӑ, ача – хваттерте. Аслисем алӑка уҫнӑ самантра ача чӳречерен ӳкнӗ.

#пӑтӑрмахсем, #Шупашкар, #Йӗпреҫ, #ачасем