moygorod-online.ru архивӗнчи сӑнӳкерчӗк

Красноармейски районӗнчи Еншик Чуллӑ ял тӑрӑхӗн пуҫлӑхӗ служба машини рулӗ умне ӳсӗрле ларса ҫул ҫинче пӑтӑрмаха ҫакланнине Чӑваш халӑх сайчӗ пӗлтернӗччӗ. Аса илтерер: Авари юпа уйӑхӗн 16-мӗшӗнче «Ҫӗрпӳ – Красноармейски – Кӳлҫырма» ҫул ҫинче пулнӑ. Еншик Чуллӑ ял тӑрӑхӗн пуҫлӑхӗ служба машини рулӗ умӗнче чухне (ку пӑтӑрмах ӗҫ вӑхӑтӗнче пулман)хирӗҫ килекен ҫул ҫине тухса кайнӑ. унта вӑл КамАЗпа ҫапӑннӑ.

Ӗҫри машинӑпа усӗрле инкеке лекнӗ хыҫҫӑн хайхи пуҫлӑха явап тыттарнӑ. Унран та ытларах — Еншик Чуллӑ ял тӑрӑхӗн пуҫлӑхӗ пулнӑ ҫын халӗ текех вӑл должноҫе йышӑнмасть ӗнтӗ. Чӑваш Ен прокуратурин пресс-службинче пӗлтернӗ тӑрӑх, машинӑна вара пуҫлӑх хӑйӗн шучӗпе юсаттарнӑ.

#ҫул-йӗр, #Кӳлҫырма, #Красноармейски, #Ҫӗрпӳ, #Красноармейски районӗ, #пӑтӑрмахсем, #машинӑсем, #транспорт, #инкексем, #Еншик Чуллӑ, #тӳре-шара