Тӗнче тетелӗнчен илнӗ сӑн (ку хыпарпа ҫыхӑнман)

РФ Следстви комитечӗн Чӑваш Енри следстви управленийӗ пӗлтернӗ тӑрӑх, Шупашкарта пурӑнакан 17 ҫулти хӗре ҫул ҫитмен ачасемпе ӗҫлекен инспектора хур кӑтартнӑшӑн айӑпласшӑн.

Пуш уйӑхӗн 6-мӗшӗнче хӗр пӗлӗшӗ патӗнче пулнӑ. Лешӗ хӑйне хӑй суранлатнӑ та полици чӗннӗ. Хӗре те полици уйрӑмне илсе ҫитернӗ. Анчах хайхискере унта килӗшмен. Инспектор ӑна сӑн ӳкернӗ, ыйтусем панӑ. Ҫав вӑхӑтра хӗр инспектора тапнӑ. Кайран ҫул ҫитменскере следователь патне илсе кайнӑ.

Машинӑна лартсан ҫак хӗр ҫаплах лӑпланман. Вӑл инспектора ҫӳҫӗнчен тытса лӑсканӑ, питне чӗрсе пӗтернӗ. Следстви уйрӑмӗ умӗнче вӑл каллех ҫӳҫрен ярса тытнӑ.

Халӗ хӗр тӗлӗшпе пуҫиле ӗҫ пуҫарнӑ. Следовательсем ку ӗҫе тишкереҫҫӗ.

#инспекторсем, #ҫамрӑксем, #полици, #Следстви комитечӗ, #пӑтӑрмахсем