Патӑрьел районӗнчи ялсене пӑралуксӑр интернет ҫитнӗ. Ҫакна «Ростелеком» компани «Устранение цифрового неравенства» (чӑв. Цифрӑри танмарлӑха пӗтересси) проекта пурнӑҫа кӗртнӗ май асӑннӑ районти пӗчӗк ялсенче тӗнче тетелне кӗмелли 18 точка хута янӑ.

Wi-Fi точкисем Пӑлапуҫ Нурӑс, Ишлӗ, Именкасси, Кӗҫӗн Арапуҫ, Тикеш, Еншик, Чӑваш Ишекӗ, Пӳртлӗ, Каншел, Анат Чакӑ, Сител, Тури Тӑрмӑш, Анат Тӑрмӑш, Вӑтаел, Тӗрӗньел, Ҫӑл Атӑк, Ксыл-Камыш, Тури Чакӑ ялӗсене вырнаҫтарнӑ. Ун валли 100 километр оптика тӑснӑ. Wi-Fi сигналне 100 метрта тытма пулать. Ун валли асӑннӑ модульлӗ карас телефонӗсем, смартфонсем, ноутбуксем, планшетсем тата ытти ҫавӑн йышши хатӗр кирлӗ.

Иртнӗ ҫул Wi-Fi точкисене Муркаш тата Хӗрлӗ Чутай районӗсенчи 18 яла вырнаҫтарнӑ. 2018 ҫул вӗҫлениччен 328 яла ун пеккисене ҫитересшӗн.

#Ксыл-Камыш, #Ҫӑл Атӑк, #Тӗрӗньел, #Вӑтаел, #Анат Тӑрмӑш, #Тури Тӑрмӑш, #тӗнче тетелӗ, #Патӑрьел районӗ, #Муркаш районӗ, #Хӗрлӗ Чутай районӗ, #Пӑлапуҫ Нурӑс, #Ишлӗ, #Именкасси, #Кӗҫӗн Арапуҫ, #Тикеш, #Еншик, #Чӑваш Ишекӗ, #Пӳртлӗ, #Каншел, #Анат Чакӑ, #Сител, #Тури Чакӑ, #ҫыхӑну