Элӗк районӗнчи Питӗшкассинчи культура ҫуртӗнчи мероприятисенчен пӗри

Чӑваш Енре чи лайӑх культура учрежденийӗсене тата вӗсенче тӑрӑшакан пултаруллӑ ӗҫченсене палӑртма конкурс ирттернӗ. Кӑҫалхине 61 заявка пырса ҫитнӗ: 37-шӗ — муниципалитет культура учрежденийӗсенчен, 24-шӗ — муниципалитет учреждейӗсенче ӗҫлекенсенчен.

«Ача-пӑча ӳнер шкулӗнчи чи лайӑх педагогика ӗҫченӗ» тата «Муниципалитет музейӗнчи чи лайӑх ӗҫчен» номинацие пӗрер заявка тӑратнипе ку енӗпе ҫӗнтерӳҫӗсене палӑртман.

Чи лайӑх культурӑпа кану учрежденийӗсенчен Улатӑр районӗнчи Октябрьскинчи, Элӗк районӗнчи Питӗшкассинчи, Патӑрьел районӗнчи Пӑлапуҫ Пӑшьелти, Комсомольски районӗнчи Урмайри, Муркаш районӗнчи Шетмӗпуҫӗнчи, Пӑрачкав районӗнчи Напольное ялӗнчи, Шӑмӑршӑ районӗнчи Кивӗ Чукалти, Етӗрне районӗнчи Лапракассинчи, Тӑвай районӗнчи Мушарти культура ҫурчӗсене палӑртнӑ.

Вулавӑшсенчен Элӗк районӗнчи Питӗшкассинчи, Йӗпреҫ районӗнчи Ирҫе Ҫармӑсри, Канаш районӗнчи Ҫӗнӗ Шелттӗмри, Куславкка районӗнчи Тӗрлемесри, Хӗрлӗ Чутай районӗнчи Атнарти, Пӑрачкав районӗнчи Анастасовӑри, Ҫӗмӗрле районӗнчи Турханти ҫӗнтернӗ. Унсӑр пуҫне культура ӗҫченӗсене палӑртнӑ.

#Атнар, #Канаш районӗ, #Хӗрлӗ Чутай районӗ, #Ирҫе Ҫармӑс, #Йӗпреҫ районӗ, #Питӗшкасси, #Мушар, #Элӗк районӗ, #Тӑвай районӗ, #Лапракасси, #Етӗрне районӗ, #Кивӗ Чукал, #Шӑмӑршӑ районӗ, #Напольное, #Пӑрачкав районӗ, #Шетмӗпуҫ, #Урмай, #Муркаш районӗ, #Комсомольски районӗ, #Пӑлапуҫ Пӑшьел, #Патӑрьел районӗ, #Питӗшкасси, #Элӗк районӗ, #Октябрьски, #Улатӑр районӗ, #культура, #конкурссем, #Ҫӗнӗ Шелттӗм, #, #Куславкка районӗ, #Тӗрлемес, #Пӑрачкав районӗ, #Анастасово, #Ҫӗмӗрле районӗ, #Турхан