Ларура

Тунтикун, утӑн 19-мӗшӗнче, Шӑмӑршӑра район депутачӗсен Пухӑвӗн черетлӗ 36-мӗш ларӑвӗ пулса иртнӗ. Ун ӗҫне, депутатсемсӗр пуҫне, ял тӑрӑхӗсен пуҫлӑхӗсем, предприятисемпе организацисен ертӳҫисем хутшӑннӑ. Кун йӗркине кӗртнӗ пӗрремӗш ыйтупа иккӗмӗш суйлаври Шӑмӑршӑ район Пухӑвӗн депутачӗсен Пухӑвӗн черетлӗ суйлавне ирттересси ҫинчен депутатсем район администрацийӗн ӗҫӗсен управляющийӗ Л.Н.Портнова пӗлтернине итленӗ. Чӑваш Республикин «Чӑваш Республикинчи вырӑнти хӑйтытӑмлӑх органӗсене суйласси ҫинчен» Саккунӗн 5-мӗш статйипе, Шӑмӑршӑ район Уставӗн 12-мӗш статйипе никӗсленсе район депутачӗсен Пухӑвӗн ларӑвӗ иккӗмӗш суйлаври Шӑмӑршӑ район Пухӑвӗн депутачӗсен суйлавне 2010 ҫулхи юпан 10-мӗшӗнче ирттерме йышӑннӑ. «Шӑмӑршӑ районӗн 2010 ҫулхи пӗрремӗш ҫурҫулти социаллӑ пурнӑҫпа экономика кӑтартӑвӗсем ҫинчен» ыйтупа ларура район администрацийӗн экономика пайӗн пуҫлӑхӗ Э.Э.Жамкова туса панӑ доклада сӳтсе явса, депутатсем ҫак кӑтартусене шута илнӗ. Кун йӗркинчи виҫҫӗмӗш ыйтӑва пӑхса тухса, депатутсем Шӑмӑршӑ районӗн муниципаллӑ харпӑрлӑхӗнчи хӑш-пӗр пурлӑха ял тӑрӑхӗсен харпӑрлӑхне парасси ҫинчен йышӑну кӑларнӑ. Район депутачӗсен Пухӑвӗн ларӑвӗн ӗҫне район пуҫлӑхӗ В.П.Фадеев, Чӑваш Республикин Патшалӑх Канашӗн депутачӗ А.В.Максимов хутшӑннӑ. Кун йӗркинчи иккӗмӗш ыйту тӑрӑх В.П.Фадеев сӑмах тухса каланӑ.

#Шӑмаршӑ, #ларусем, #Шӑмаршӑ районӗ