ЧР строительство министрӗ пулнӑ Александр Героева «Чӑваш Республикин тава тивӗҫлӗ строителӗ» хисеплӗ ят панӑ. Халӗ вӑл «Строительство управленийӗ-29» тулли мар яваплӑ обществӑн тӗп директорӗ.
48 ҫулти Александр Героев ЧР Строительство министерствине 2020 ҫулхи нарӑсӑн 10-мӗшӗнчен пуҫласа 2021 ҫулхи пушӑн 22-мӗшӗччен ертсе пынӑ. Унччен вӑл Шупашкарти «Ҫӗнӗ хула» микрорайона тӑвакан «Иско-Ч» компанин тӗп директорӗ пулнӑ. Министр должноҫӗнчен вӑл хӑйӗн ирӗкӗпе кайнӑ.
Ун хыҫҫӑн строительство министрӗ Павел Данилов, Михаил Коледа пулнӑ, халӗ — Владимир Максимов.
Канашри «Хуҫалӑхпа эксплуатаци служби» унитарлӑ пердприяти ертӳҫи шанӑҫран тухнӑ. Ҫавна пула ӑна ӗҫрен хӑтарнӑ. Кӑлтӑка прокуратура тӗрӗслевӗ вӑхӑтӗнче тупса палӑртнӑ.
Муниципалитетӑн хысна учрежденийӗн директорӗ 2023 тата 2024 ҫулсенче илнӗ тупӑш, пурлӑх пирки пӗлтермен.
Коррупцие хирӗҫ тӑрассипе ҫыхӑннӑ саккуна пӑхӑнманшӑн прокуратура вырӑнти администрацие асӑннӑ пуҫлӑха ӗҫрен кӑларма ыйтса асӑрхаттару хучӗ ӑсатнӑ.
Чӑваш Ене РФ ял хуҫалӑх министрӗ Оксана Лут килнӗ. Вӑл пирӗн патра пӗрре мар пулна-ха, анчах министр пек – пӗрремӗш хут.
Оксана Николаевна паян Шупашкарти «Пехет» агромаркета уҫнӑ ҫӗре хутшӑнать. Ҫавӑн пекех вӑл темиҫе агропромышленноҫ комплексне ҫитсе курӗ, инновацисене пурнӑҫа кӗртес ыйтусене сӳтсе явӗ.
Оксана Лут РФ ял хуҫалӑх министрӗнче 2024 ҫулхи ҫу уйӑхӗн 14-мӗшӗнченпе ӗҫлет. Унччен вӑл министрӑн пӗрремӗш ҫумӗ пулнӑ.
ЧР ҫутҫанталӑк министрӗн тӑваттӑмӗш ҫум пулӗ. Ку пукана Татьяна Лукина йышӑннӑ.
Ҫӗнӗ ҫум ведомствӑн экономика тата финанс ӗҫӗсене тӗрӗслесе тӑрӗ. Татьяна Лукина унччен ҫак министерствӑрах патшалӑх учрежденийӗсемпе ӗҫлекен пая ертсе пынӑ.
Хальхи вӑхӑтра Эмир Бедертдиновӑн 4 ҫум: Елена Хомченко (пӗрремӗш ҫум), Елена Дымза, Николай Охотин и Татьяна Лукина.
Утӑ уйӑхӗн 15-мӗшӗнче Чулхула облаҫӗнчи Вортынец районӗнче Чӑваш Ен Енри тӳре-шара ҫул ҫинчи инкеке лекни пирки Чӑваш халӑх сайчӗ пӗлтернӗччӗ-ха.
Аса илтерер: Шупашкар округӗн администрацийӗн машини, А173АА номерлӗ Geely Atlas Pro, хирӗҫ ҫул ҫине тухса кайса Audi Q3 машинӑпа ҫапӑннӑччӗ. Аварире водитель тата Шупашкар округӗн администрацийӗн юрисчӗ вырӑнтах вилнӗ. «Аудин» 31-ри водительне, унӑн 7-ри ывӑлне тата 55-ри хӗрарӑм-пассажира больницӑна илсе кайнӑ.
нкек хыҫҫӑн пульницӑна лекнӗ Шупашкар районӗн пуҫлӑхӗн ҫумӗ — йӗркелӳпе тӗрӗслев, право тата кадр пайӗн пуҫлӑхӗ Галина Николаева паян куҫне ӗмӗрлӗхе хупнӑ.
Ҫапла вара ҫул синчи инкеке пула администрацире ӗҫленӗ виҫӗ ҫын пурнӑҫӗ татӑлнӑ. Маларах юридици пайӗн пуҫлӑхӗ Елена Денисова тата Алексей Артемьев водитель вилнӗ.
Чӑваш Енри тӳре-шара аварире вилнӗ. Ку инкек ӗнер, утӑ уйӑхӗн 15-мӗшӗнче, 16:20 сехетре Чулхула облаҫӗнчи Вортынец районӗнче, Чӑваш Ен чиккинчен инҫех мар, пулнӑ.
Шупашкар округӗн администрацийӗн машини, А173АА номерлӗ Geely Atlas Pro, хирӗҫ ҫул ҫине тухса Audi Q3 машинӑпа ҫапӑннӑ.
Аварире водитель тата 45-ри пассажирка (малтанлӑха палӑртнӑ тӑрӑх, Шупашкар округӗн администрацийӗн юрисчӗ) вырӑнта вилнӗ. «Аудири» 31-ри водителе, 7-ри ывӑлне тата 55-ри пассажиркӑна больницӑна илсе ҫитернӗ.
ЧР Сывлӑх сыхлавӗн министерствине ҫӗнӗ ҫын ертсе пырӗ. Министр должноҫне Лариса Тарасовӑна ҫирӗплетнӗ. Вӑл ку тытӑмра 38 ҫул вӑй хурать, вӗсенчен 27-шне – ертӳҫӗ должноҫӗнче.
Лариса Владимировна Хусанта ҫуралнӑ, И.Н.Ульянов ячӗллӗ ЧПУра вӗреннӗ. 2021 ҫулхи пуш уйӑхӗнчен пуҫласа ку таранччен Республикӑри клиника пульницинче гастроэнтерологи уйрӑмӗн заведующийӗ, ЧР Сывлӑх сыхлавӗн тӗп терапевчӗ тата гастроэнтерологӗ пулнӑ, ЧПУн факультет тата госпиталь терапин кафедрине ертсе пынӑ.
Аса илтерер: унчченхи министра Владимир Степанова портфельсӗр вице-премьера лартнӑ. Министр пуканӗ 2 уйӑх пушӑ пулнӑ.
Чӑваш Енӗн пӗрремӗш Элтеперӗ пулнӑ Николаев Фёдорова республика Элтеперӗ Олег Николаев сенатор должноҫне шантарнӑ.
Шӑматкун, утӑ уйӑхӗн 12-мӗшӗнче, вӗсем тӗлпулнӑ. Николай Фёдоров сенатор пулнӑ май туса ирттернӗ ӗҫсем пирки каласа кӑтартнӑ. Унсӑр пуҫне регионӑн 2030 ҫулчченхи аталанӑвӗн комплекслӑ программине сӳтсе явнӑ.
Олег Николаев республика ертӳҫине суйлансан Николай Фёдоровах Чӑваш Енен ӗҫ тӑвакан влаҫӗн сенаторен должноҫӗнче хӑварма шантарнӑ.
Маларах ку должноҫе республикӑн культура министрне Светлана Каликовӑна шанса парӗҫ текен сӑмах тухнӑ.
Чӑваш Енри мӗнпур МИХа пер медиахолдинга пӗрлештерӗҫ. Кун пирки паян республикӑн Цифра аталанӑвӗн министерстви влаҫ органӗсен официалла порталӗнче хыпарланӑ.
Республикӑри тата округри МИХсен тӗп редакторӗсене цифра аталанӑвӗн министрӗпе Михаил Степановпа тата Чӑваш Ен Элтеперӗн Администрацийӗн Ертӳҫин ҫумӗпе — Пресс-служба тата протокол управленийӗн пуҫлӑхӗпе Юляи Стрйоковӑпа тӗл пулӑва чӗннӗ.
Унта сӳтсе явнӑ ыйтусенчен пӗри — медиахолдинг туса хурасси. Округри хаҫатсем «Хыпар» издательство ҫурчӗн йышне кӗме пуҫланӑ ӗнтӗ. 2025 ҫулта ку ӗҫ малалла тӑсӑлӗ.
Тӳре-шара шухӑшланӑ тӑрӑх, «бизнес-процессене тата вёртскӑна централизацилени вырӑнсенче паха контент хатӗрлессипе ҫине тӑма» май парӗ. Штата чакармӗҫ.
ЧР Элтеперӗҫн пресс-секретарӗ Борис Краснов кӑҫал нарӑсӑн 10-мӗшӗнче ӗҫрен кайнӑ хыҫҫӑн ку вырӑн пушӑ пулнӑ. Акӑ халӗ тинех, ҫур ҫултан, Элтепер валли пресс-секретарь тупӑннӑ.
Ку пукана Григорий Буйлов йышӑннӑ. Вӑл Удмурт Республикинче Ижевск хулинче ҫуралнӑ. 1998 ҫултанпа медиара ӗҫленӗ, PR тата информаци сферинче тӗрлӗ должноҫ йышӑннӑ. Унӑн биографийӗ Севастополь кӗпӗрнаттӑрӗ пулнӑ Дмитрий Овсянниковпа тачӑ ҫыхӑннӑ.
+4.3 °C