Чӑваш Енре каллех чи лайӑх механизаторсене палӑртӗҫ. Ун пекрех конкурса кӑҫалхи нарӑс уйӑхӗнче ирттерни пирки Чӑваш халах сайчӗ пӗлтернӗччӗ-ха. Аса илтерер: ун чухне арҫынсен хушшинче Вадим Головин (Елчӗк округӗ), Борис Головин (Елчӗк округӗ), Евгений Петров (Вӑрмар округӗ) мала тухнӑччӗ. Хӗрарӑмсен хушшинче Эльвира Чугунова (Вӑрнар округӗ), Надежда Концова (Ҫӗмӗрле округ), Алена Ефимова (Шупашкар округӗ) малти вырӑнсене йышӑннӑччӗ.
Хальхи конкурса хутшӑнма заявкӑсене ута уйӑхӗн12-мӗшӗччен йышӑнӗҫ. Унта механизаторта виҫӗ ҫултан кая мар ӗҫлекенсем хутшӑнайӗҫ.
Конкурс утӑ уйӑхӗн 17-мӗшӗнче Ҫӗрпури аграрипе промышленность коллеждӗнче иртӗ. Ҫӗнтерӳҫӗ республика чысне Тамбовра авӑн уйӑхӗн 18-мӗшӗнче иртекен ҫӗршыв шайӗнчи конкурсра хӳтӗлӗ.
Йӗпреҫ округӗнчи ҫемье Барнаулта иртнӗ Пӗтӗм Раҫҫейри ял спорчӗн вӑййисенче иккӗмӗш вырӑн илсе таврӑннӑ. Ҫак ҫитӗнӗве Ефремовсен ҫемйи тунӑ.
Софья, Александр тата Анастасия 2012-2013 ҫулта ҫуралнӑ ачасемпе тупӑшмалли ушкӑнра вӑй виҫнӗ. Ӑмӑрту программинче дартс, гимнастика тата йӗлтӗр эстафети пулнӑ.
Ҫӗрпӳре республикӑри ял спорчӗн вӑййисен иккӗмӗш тапхӑрӗ вӗҫленнӗ. Тӗрлӗ округран килнӗ ҫынсем МТЗ-82 трактора итлеттернӗ, ятарлӑ трассӑпа ҫӳрнӗ.
Арҫынсен хушшинче Вадим Головин (Елчӗк округӗ), Борис Головин (Елчӗк округӗ), Евгений Петров (Вӑмар округӗ) мала тухнӑ.
Хӗрарӑмсен хушшинче Эльвира Чугунова (Вӑрнар округӗ), Надежда Концова (Ҫӗмӗрле округ), Алена Ефимова (Шупашкар округӗ) малти вырӑнсене йышӑннӑ.
+17.5 °C