Хыпарсем: Ҫӗpпӳ

ЧӲК

«Шкул шӑпчӑкӗсем» чӑваш халӑх юррисене шӑрантарнӑ
■ Галина Никитина | 16.11.2015 17:07 |

#конкурссем, #Ҫӗpпӳ, #Шупашкар, #Ҫӗнӗ Шупашкар, #ачасем, #культура, #Элӗк районӗ, #Патӑрьел районӗ, #Вӑрнар районӗ, #Йӗпреҫ районӗ, #Куславкка районӗ, #Канаш районӗ, #Хӗрлӗ Чутай районӗ, #Комсомольски районӗ, #Муркаш районӗ, #Елчӗк районӗ, #чӑваш чӗлхи

Культура

Шӑматкун, чӳк уйӑхӗн 14-мӗшӗнче, Шупашкар хулинчи Трактор тӑвакансен культура керменӗнче шкул ачисемпе вӗрентекенсен «Шкул шӑпчӑкӗ» республика конкурсӗ иртнӗ. Конкурса йӗркелекенсем шутӗнче Чӑваш наци конгресӗпе Чӑваш Республикинчи учительсен ассоциацийӗн чӑваш чӗлхипе литератури вӗрентекенсен секцийӗ те пулнӑ.

Чӑваш халӑх юррисене юрлакансен ӑмӑртӑвне Элӗк, Патӑрьел, Вӑрнар, Йӗпреҫ, Куславкка, Канаш, Хӗрлӗ Чутай, Комсомольски, Муркаш, Елчӗк районӗсенчен, Шупашкарпа Ҫӗнӗ Шупашкар тата шкул Ҫӗpпӳ хулисенчен ачасен 11 фольклор ушкӑнӗ, 28 солист, учительсен 6 фольклор ушкӑнӗпе 9 солист хутшӑннӑ.

Солистсемпе фольклор ушкӑнӗсем чӑваш халӑхӗн хӑна, салтак, вӑйӑ, ӗҫ, лирика юррисене шӑрантарнӑ. Уяв каҫӗнче сюжетлӑ вӑйӑсемпе юрӑсем, такмаксемпе ташӑсем пӗp-пӗринпе ылмашса пынӑ.

Хыпар ҫӑлкуҫӗ: http://chnk.ru/a/news/506.html