Паян ирхи 6 сехет те 40 минутра Шупашкарти Гастелло урамӗ патӗнчи чарӑнура Ҫӗнӗ Шупашкара каякан 220-мӗш маршрутка ҫул хӗрринче ларакан фура ҫине пырса кӗнӗ. Салонра пассажирсем пулнӑ: пӗтӗмпе 10. 11-мӗшӗ – водитель. Юрать-ха, вӗсен йышӗнче ачасем пулман.
Водитель аманман. Пӗтӗм пассажира пульницӑна илсе ҫитернӗ. 4 ҫынна тухтӑрсен пулӑшӑвӗ кирлӗ пулнӑ. Ҫул хӗрринче ларакан фурӑна вара 1500 тенкӗлӗх штрафланӑ.
Патӑрьел районӗнче пулнӑ аварире 21 ҫулти каччӑ вилнӗ. Кун пирки ШӖМ пӗлтерет.
Ӗнер 22 сехет те 40 минутра пулнӑ ку. «Лада Приора» водителӗ Аслӑ Арапуҫ ялӗ енчен Патӑрьел еннелле кайнӑ. Водитель руле итлеттереймесӗр кювета чӑмнӑ, унтан йывӑҫ ҫине пырса ҫапӑннӑ.
Салонра 21 ҫулти водитель ҫеҫ пулнӑ. Вӑл йывӑр суранӗсене пула вилнӗ. Каччӑ Патӑрьел районӗнченех пулнӑ.
Патшалӑх автоинспекцийӗн инспекторӗсем ӗҫ-пуҫа уҫӑмлатаҫҫӗ.
Шупашкар районӗнчи Ҫӗньял ял тӑрӑхне кӗрекен Арккасси ялӗнчи 3 урамра вырӑнти пуҫарусен программипе ҫул сарма тытӑннӑ. Вырӑнти ял тӑрӑхӗнче пӗлтернӗ тӑрӑх, кӑҫал 4 урамра ҫул юсасшӑн. Вӑрман урамӗнчи юсав валли аукцион ирттерме документсене хатӗрлеҫҫӗ. Ытти виҫӗ урамра юсав ӗҫне ҫак уйӑхра вӗҫлесшӗн.
Асӑннӑ ял тӑрӑхӗнче республикӑн ял хуҫалӑх министрӗн ҫумӗ Ольга Кудрявцева ӗҫлӗ ҫулҫӳревпе пулнӑ. Вӑл ял ҫыннисене пӗлтернӗ тӑрӑх, кӑҫал Чӑваш Енри ялсене аталантарма тӗрлӗ программӑпа 5 миллиард тенкӗ уйӑрӗҫ, ҫав шутран ял территорийӗсене комплекслӑ аталантарма — 1,3 миллиард тенкӗ.
Шупашкар районӗнчи Ҫӗньял ял тӑрӑхне кӗрекен Арккасси ялӗнчи 3 урамра вырӑнти пуҫарусен программипе ҫул сарма тытӑннӑ. Вырӑнти ял тӑрӑхӗнче пӗлтернӗ тӑрӑх, кӑҫал 4 урамра ҫул юсасшӑн. Вӑрман урамӗнчи юсав валли аукцион ирттерме документсене хатӗрлеҫҫӗ. Ытти виҫӗ урамра юсав ӗҫне ҫак уйӑхра вӗҫлесшӗн.
Асӑннӑ ял тӑрӑхӗнче республикӑн ял хуҫалӑх министрӗн ҫумӗ Ольга Кудрявцева ӗҫлӗ ҫулҫӳревпе пулнӑ. Вӑл ял ҫыннисене пӗлтернӗ тӑрӑх, кӑҫал Чӑваш Енри ялсене аталантарма тӗрлӗ программӑпа 5 миллиард тенкӗ уйӑрӗҫ, ҫав шутран ял территорийӗсене комплекслӑ аталантарма — 1,3 миллиард тенкӗ.
Ҫурла уйӑхӗн 15-мӗшӗнчен «Валдай» карапсен расписанийӗ ылмашӗ. Вӗсен каҫхи рейсӗсем пӗр сехет иртерех пулӗҫ.
Аса илтерер: хальхи вӑхӑтра карапсем Шупашкартан Хусана тата Хусантан Шупашкара килме 8 сехетре тата 16 сехетре тухаҫҫӗ. Ҫурла уйӑхӗн 15-мӗшӗ хыҫҫӑн «Валдайсен» каҫхи рейсӗсем улшӑнӗҫ, карапсем пӗр сехет маларах (хальхи 16 сехет вырӑнне 15 сехетре) хускалӗҫ.
Сӑмах май каласан, вырсарникунсерен ҫӳрекен «Свияжск–Шупашкар» маршрутра та улшӑну пулса иртӗ.
Ҫурла уйӑхӗн 4-мӗшӗнче Патшалӑхӑн ҫул-йӗр хӑрушсӑрлӑхӗн посчӗсенчен пӗринче инспекторсенчен «Ауди» автомобиль водителӗ пулӑшу ыйтнӑ. 34 ҫулти арҫын ӗнентернӗ тӑрӑх, ҫул ҫинчи «пӑкӑра» «Тойота» водителӗпе ӑнланманлӑх сиксе тухнӑ. Пӑтӑрмах Ҫӗнӗ Шупашкара каякан ҫул ҫинче пулнӑ.
«Тойота» водителӗ «пӑкӑран» тухас тесе хирӗҫ килекен ҫул ҫине тухса кайнӑ-мӗн, ҫакӑншӑн «Ауди» водителӗ сӗмсӗр этеме асӑрхаттарнӑ. Ҫамрӑкки аслӑрах водитель ҫине хӗҫпӑшал евӗр япала темиҫе хутчен те тӗлленӗ-мӗн.
Инспекторсем «Тойота» машнӑна тытса чарнӑ. Унта, чӑн та, травматика пистолечӗ тата пушӑ гильза пулнӑ.
Ҫурла уйӑхӗн 6-мӗшӗнче Улатӑр хулинче каҫхи 8 сехет те 40 минутра мопедпа пынӑ ашшӗпе ывӑлӗ ҫул ҫинчи тӑпра купи ҫине пырса кӗнӗ. Ҫав урамри ҫул ҫинче юсав ӗҫӗсем пынӑ. Мопед купа ҫине пырса кӗрсен ҫаврӑнса ӳкнӗ. Ашшӗпе ывӑлӗ иккӗшӗ те шлемпа пулнӑ. Анчах ку 12 ҫулти ачан пурнӑҫне ҫӑлайман, вӑл каярахпа пульницӑра вилнӗ.
39 ҫулти ашшӗ аманнӑ. Руль умӗнче ларнӑскер урах пулнӑ.
Халӗ йӗрке хуралҫисем ӗҫ-пуҫа уҫӑмлатаҫҫӗ.
Паян ирхи 4 сехет ҫурӑра Етӗрне районӗнче Сӑр юханшывӗ урлӑ хывнӑ кӗпер ҫинче авари пулнӑ. «Хендай Солярис» транспорт хирӗҫ килекен ҫул ҫине тухса кайнӑ та «Киа Риопа» ҫапӑннӑ.
Солярисри водитель Тутарстан ҫынни пулнӑ. Вӑл вырӑнтах вилнӗ.
Тепӗр иномаркӑри 3 ҫын аманнӑ. Ҫав шутра - 15 ҫулти хӗрача. Тӗнче тетелӗнче ҫынсем коммениари ҫырнӑ тӑрӑх, «Киа Рио» водителӗ пульницӑра вилнӗ.
Чӑваш Енӗн тӗп хулинчен Ҫурҫӗре самолётсем вӗҫме тытӑнассине эпир унччен пӗлтернӗччӗ. Аса илтерер: «ЮВТ-Аэро» акционерсен обществи «Шупашкар-Сургут» авиамаршрута ҫирӗплетнӗ.
Асӑннӑ маршрутпа самолётсем ҫурла уйӑхӗн 1-мӗшӗнчен тытӑнса раштав уйӑхӗн 31-мӗшӗччен вӗҫӗҫ тенӗччӗ. Анчах нумаях пулмасть Шупашкарти аэропорт урӑхларах пӗлтернӗ: самолётсем ҫурла уйӑхӗн 11-мӗшӗнчен ҫула тухӗҫ.
«Bombardier» самолётсем Шупашкартан Сургута кӗҫнерникунсерен тата шӑматкунсерен хутлӗҫ. Пирӗн патран самолёт 18 сехет те 25 минутра вӗҫсе кайӗ.
Тӗнчери тата ҫӗршыври лару-тӑрӑва пула Шупашкартан самолётсем кӑҫал кӑнтӑрти хӑш-пӗр хулана вӗҫме чарӑннӑ. Вӑл списокра — Симферополь, Краснодар, Минеральные Воды хулисем. Апла пулин те халӑх самолётпа вӗҫме юратать.
Кӑҫалхи ултӑ уйӑхра Шупашкарти аэропорт урлӑ 200 пине яхӑн пассажир ҫула тухнӑ. Пӗлтӗрхи кӑрлач-ҫӗртме уйӑхӗсенчинчен асӑннӑ кӑтарту 2 процент нумайрах.
Аэропорта юсаса ҫӗнетнӗ хыҫҫӑн аэропорт сехетре 200 пассажира йышӑнма пултарӗ, ҫавна май ҫулталӑкра – 500 пин ытла ҫынна. Ку цифрӑна республикӑн транспорт тата ҫул-йӗр хуҫалӑхӗн министрӗ Владимир Степанов палӑртса хӑварнӑ.
+13.3 °C