Сайта кӗр | Регистраци | Сайта кӗрсен унпа туллин усӑ курма пулӗ
 +13.3 °C
Ӗнен сӗчӗ чӗлхе вӗҫӗнче.
[ваттисен сӑмахӗ]
 

Хыпарсем: энергетиксем

Республикӑра
Чӑвашоргӑн вырӑсла версийӗнчен илнӗ сӑнӳкерчӗк
Чӑвашоргӑн вырӑсла версийӗнчен илнӗ сӑнӳкерчӗк

«Ҫыхӑнура» портал Чӑваш энергосбыт компанийӗ хыпарлани тӑрӑх пӗлтернӗ тӑрӑх, ҫитес ҫул пирӗн республикӑра инвестици программипе 3 пин счетчик ылмаштарӗҫ. Электросчетчиксене ылмаштарнишӗн ҫынсен укҫа тӳлемелле мар.

Компанин пресс-служби пӗлтернӗ тӑрӑх, ку тӗллевпе 45 миллион тенкӗ уйӑрӗҫ. Программӑна пурнӑҫласа электроэнерги тӑкакне шута илекен ӑслӑ приборсем вырнаҫтарӗҫ. Вӗсене вырнаҫтарсан ҫынсен счетчик мӗн кӑтартнине энергетиксене пӗлтерме тивмӗ.

 

Экономика
transphoto.org сӑнӳкерчӗкӗ
transphoto.org сӑнӳкерчӗкӗ

Чӑваш Енӗн Арбитраж судне Шупашкарти троллейбус управленийӗпе ҫыхӑннӑ тавӑҫ ҫитсе выртнӑ. Чӑвашэнергосбыт компанийӗ троллейбус управленийӗнчен 13,272 миллион тенкӗ парӑма шыраса илесшӗн.

Тавӑҫа ӗнер, авӑн уйӑхӗн 1-мӗшӗнче, регистрациленӗ. Чӑвашэнергосбыт Ҫӗнӗ Шупашкарти троллейбус управленийӗпе те судлашас кӑмӑллӑ. Асӑннӑ хулари управлени парӑмӗ — 3,569 миллион тенкӗ иккен.

Шупашкарти троллейбус управленийӗ Чӑвашэнергосбыт умӗнче унччен те парӑма кӗрсе кайнӑ. Ун чухне сӑмах 60 миллион ытла тенкӗ парӑм пирки пынӑ. Енсем тавлашӑва ҫураҫтарма пултарнӑ. Асӑннӑ парӑма транспорт предприятийӗн 2022 ҫулхи ҫӗртме уйӑхччен тӳлесе татмалла.

 

Республикӑра

Чӑваш Ен Элтеперӗ Михаил Игнатьев професси уявӗ ячӗпе саламланӑ. «Энергетика экономикӑн чи кирлӗ те пӗлтерӗшлӗ отраслӗсенчен пӗ­ри шутланать. Регионӑн ҫирӗп аталанӑвӗ тата унта пурӑнакан ҫынсен ырлӑхӗ ытларах чухне унӑн тухӑҫлӑхӗпе шанчӑклӑхӗнчен килет», — тенӗ унта.

Кӑҫал Чӑваш энергетика управленийӗ 60 ҫул тултарнине те аса илнӗ. Республика ертӳҫи шучӗпе «паян Чӑваш Ен энергетика комплексӗнче пысӑк ӑсталӑхлӑ, произ­водствӑри темле кӑткӑс тӗллевсене те татса пама пултаракан специалистсем ӗҫлеҫҫӗ». Вӗсем «ӑшӑпа электроэнергие потребительсене пӗр кӑл­тӑксӑр ҫитерсе» парнине, «стратегиллӗ тата социаллӑ пӗлтерӗшлӗ объект­сен энергетика хӑрушсӑрлӑхне» тивӗҫтернине те палӑртнӑ, ӗҫшӗн тав тунӑ.

Савӑнӑҫлӑ уяв Чӑваш патшалӑх академи драма театрӗнче иртнӗ.

 

Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (01.09.2025 03:00) уяр ҫанталӑк, атмосфера пусӑмӗ 748 - 750 мм, 14 - 16 градус ӑшӑ пулӗ, ҫил 1-3 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ҫӑлтӑрсем сире хӑтлӑх тата стабиллӗх шырама сӗнеҫҫӗ. Кухньӑри сӗтел-пукана ҫӗнетме ӑнӑҫлӑ вӑхӑт. Шӑпах халӗ шкап-купе е гарнитур туянма меллӗ вӑхӑт. Вӗсем сирӗн киле илем кӳрӗҫ кӑна мар, лӑпкӑлӑх та парнелӗҫ.

Авӑн, 01

1919
106
Андреев Филипп Андреевич, чӑваш сӑвӑҫи, ҫыравҫи ҫуралнӑ.
1935
90
Шапошников Вячеслав Иванович, вырӑс сӑвӑҫи ҫуралнӑ.
1941
84
Иванов Герольд Константинович, медицина ӑслӑлӑхӗсен докторӗ ҫуралнӑ.
1967
58
Чӑваш патшалӑх университетне уҫнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
ӑсатма тухни — ҫылӑх, юрамасть
хуть те кам тухсан та
кил-йышри арҫын
хӑнана ӑсатма никам та тухмасть
пӗтӗм кил-йышпа тухаҫҫӗ
хӑни ҫулне ахаль те пӗлет, ӑсатмасӑр та
хуҫа арӑмӗ
хуҫа тарҫи
хуҫа хӑй
хуҫин ҫитӗннӗ ачисем