«Старость в радость» (чӑв. Ватлӑх савӑнма) ыркӑмӑллӑх фончӗ Чӑваш Енри пӗчӗк тупӑшлӑ пӗччен пурӑнакан ватӑсемпе сусӑрсене хальхинче апат-ҫимӗҫ туянма электрон сертификатсем уйӑрса панӑ. Кашнине — 5-шер пин тенкӗлӗх. Шупашкарта ун пек пулӑшупа 68 ҫын усӑ курӗ.
Сертификатпа тавара «Пятерочка» лавккасенче туянма юрать. Анчах эрех-сӑра, пирус туянмалла мар, куллен кирлӗ апат-ҫимӗҫ илмелле. Фонд сӗннине шута илсе. Лавккана ҫитме пултаракан ватӑсем хӑйсем кайса илеҫҫӗ, каяйманнисене социаллӑ центр ӗҫченӗсем туянса килне леҫсе параҫҫӗ.
«Тӗлӗнмелле савӑнтӑм. Кун чухлӗ апат-ҫимӗҫ хӑҫанччен ҫитӗ», — савӑнса тав тунӑ Шупашкарта пурӑнакан Елена Орлова иккӗмӗш ушкӑнри сусӑр.
Шупашкарта пурӑнакан хусах хӑй мӗншӗн авланайманнине пӗлес тесе юмӑҫа кайнӑ. 40-ри арҫын тӗнче тетелӗнче витӗр куракан, пурне те пӗлекен юмӑҫ пӗлтерӗвне асӑрханӑ.
Хайхи «маҫтӑр» арҫынна сӑнӳкерчӗк ярса пама ыйтнӑ. Сӑнӳкерчӗке курсан хӗрарӑм хусаха такам пӑснине, ӑна тасатмаллине ӗнентернӗ. Кун пек ӗҫе ахаль тӑвайӑн-и — укҫа тӳлемелле. Нумай тӳлемелле.
Арсын микрофинанс организацийӗсенчен кивҫен илсе тултарнӑ. 1,3 миллион ытларах тенкӗ укҫана сеанс ирттерекене куҫарса панӑ. Лешӗ ӑна ӗҫе вӗҫлесен каялла куҫарса пама шантарнӑ-ҫке. Хусаха пулӑшас тесе тар тӑкнине ӗнентерме хӗрарӑм видеосем ярса панӑ. Унта вӑл ҫӑва тӑрӑх ҫуртапа ҫӳренӗ. Медиафайлсене ҫийӗнчех телефонтан тасатма ыйтнӑ, пӑсса пани унсӑрӑн сарӑлса каяссине пӗлтернӗ.
Сеанс хыҫҫӑн укҫана тавӑрмалли икӗ эрне иртнӗ хыҫҫӑн (ара, юмӑҫ ҫапла каланӑ-ҫкӗ) хӗрарӑм ҫыхӑнӑва тухма пӑрахсан арҫын хӑй улталаннине ӑнланса илнӗ.
Куславкка районӗнчи пӗр ялта пурӑнакан Лукьяновсем ҫӗр ҫырли туса илме тӗллев лартнӑ. Ҫав ӗмӗтпе хавхаланса Анна Лукьянова патшалӑх контрактне алӑ пусса хыснаран укҫа илнӗ те ӑна хушма хуҫалӑха аталантарма янӑ. Тӗрӗсрех каласан, ҫӗр ҫырлин чаплӑ йышши сортне туяннӑ.
Малтанах вӗсем шикленнине пытарамаҫҫӗ: «Калча вӑй илӗ-и? Туса илме пултарӑпӑр-и?» Анчах пӗрремӗш ана ҫырла пама тытӑнсан хӗрарӑм хавхаланнӑ, халӗ вӑл ҫырла лаптӑкне пысӑклатма ӗмӗтленет.
Аннӑн упӑшки хурт-хӑмӑр ӗрчетет.
Шупашкарта пурӑнакан арҫын ултавҫӑсене ӗненсе машинине сутса янӑ та ҫав укҫана вӗсене куҫарса панӑ.
Арҫын патне ҫӗртме уйӑхӗн 5-мӗшӗнче такамсем шӑнкӑравласа курьер илсе килне япалана илме код ыйтнӑ. Арсын нимле курьера та кӗтмен пулин те кода такамсене йӑпӑр-япӑр каланӑ. Патшалӑх пулӑшӑвӗн порталне кӗмелли кода ултавҫӑсем арҫынран пӗрремӗш код йӑнӑш пулчӗ тесе ыйтса пӗлнӗ. Унтан Хӑрушсӑрлӑх службин ӗҫченӗ текен этем шӑнкӑравланӑ. Вӑл ӑна унччен ултавҫӑсемпе калаҫнине, вӗсем ун ячӗпе банкра кредит илсе тултарассине, машинине вара сутса ярассине пӗлтернӗ.
Ют ҫын сутса яриччен арҫын «Тойота Королла» автомобиле хӑй сутса ярас тенӗ, укҫана «шанчӑклӑ» вырӑна, «сейф ячейкине» куҫарма сӗннине итлесе ҫӑвӑн пек туна. Ҫапла вара вӑл 700 пин тенкӗсӗр тӑрса та юлнӑ.
Кредит илнӗ укҫана та куҫарас тенӗ те анчах банк ӗҫченӗсем ку операцие пурнӑҫлама ирӗк паман. Ҫавӑнпа вӑл укҫана алла илес тесе банка кайнӑ. Унта вӑл хӑй улталаннине ӑнланса илнӗ.
Канаш лесничествинче 17 йывӑҫӑн хуппине такам сӳсе кайнӑ. Ку ӗҫе кам тунине хӑвӑртах тупса палӑртнӑ. Вӑрмар округӗнчи арҫын иккен.
17 лиственницӑна 1-1,2 метр ҫӳллӗш тавраллах хуппине сӳнӗ. Хуппине Вӑрмар округӗнчи арҫыннӑн килӗнче тупнӑ. Вӑл ӑна килӗ умӗнче ӳсекен туйӑсем айне сарса хунӑ. Ҫапла арҫын вӑрман хуҫалӑхне 750 пин тенкӗлӗх тӑкак кӳнӗ.
Вырӑна полицейскисене чӗннӗ. Ӗҫ-пуҫа вӗсем уҫӑмлатаҫҫӗ.
Чӑваш Енре «Туризм тата хӑнасене кетсе илесси» наци проекчӗпе килӗшӳллӗн глэмпингсем тӑвассине эпир унчечн темиҫе хутчен те пӗлтернӗччӗ. Тӗллевле укҫана тивӗснисенчен пурте унпа йӗркелле тата вӑхатра усӑ курайманнисенчен кӗмӗле каялла илнине те хыпарланӑчче.
Глэмпингсене Йӑлӑмра, Улатӑр, Шупашкар, Куславкка тата Красноармейски тӑрӑхӗсенче тунӑ. Вӗсем хӑнасене йышӑнма та пуҫланӑ. Инвесторсен укҫипе хута янӑ глэмпингсем те пур.
Республикӑн экономика министре
«Эпӗ республикӑри мӗнпур глэмпинга ҫитсе куртӑм, вӗсен пахалӑхӗ тата сервисӗ аван. Паллах, ӗҫлемелли, лайӑхлатмалли татах пур, анчах юлашки ҫулсенче пурнӑҫ ыйтнипе тан пыни питӗ лайӑх», — тенӗ Дмитрий Краснов вице-премьер.
Чӑваш Енри физика учителӗ лотерея, выляса миллионер пулса тӑнӑ! Питӗ ӑннӑ ӑна: вӑл нумаях пулмасть лотерейӑра 1 миллион тенкӗ выляса илнӗ.
Ҫак телейлӗ ҫын – Геннадий Конузин
Вӑл 2022 ҫулта лотерея билечӗсене тӑтӑшах туяннӑ. Пӗррехинче кӑштах выляса та илнӗ. Кайран пӗр вӑхӑт билет туянман вӑл. Пурӑна киле ӑнӑҫӑва тепӗр хут тӗрӗслесе пӑхма шухӑшланӑ. Чӑнах та ӑннӑ: 1 миллион тенкӗ выляса илнӗ!
«Мана пурнӑҫра ӑнать», – тет учитель.
Шупашкарти риэлтор ҫынсене 3 ҫул улталаса пурӑннӑ. Клиентсене шӑнман пӑр ҫине лартса вӑл 50 миллион тенкӗллӗ пулнӑ.
Арҫын вӗсен шанӑҫне кӗрес тесе тӗрлӗ схемӑпа усӑ курнӑ: бизнеса инвестици хывма сӗннӗ, пурӑнмалли кӗтес тупса пама шантарнӑ. Ҫынсем ӑна ӗненнӗ, 50 пин тенкӗрен пуҫласа 8 миллион тенкӗ таран панӑ тӗслӗхсем пулнӑ. Хӑйсене улталанине ӑнлансан полицие кайнӑ.
42 ҫулти арҫыннӑн явап тытма тивӗ – вӑл часах суд сакки ҫине ларӗ.
Ҫӗнӗ Шупашкарта пурӑнакан 67 ҫулти арҫын ултавҫӑсене 60 миллион тенкӗ куҫарса панӑ.
Пӑтӑрмах ҫу уйӑхӗн 23-мӗшӗнче пуҫланнӑ. Ҫавӑн чухне ун патне домофонсене пӑхса тӑракан организаци ҫынни текен этем шӑнкӑравланӑ. Ҫӗнӗ уҫӑ илме смс-ҫырури кода ыйтнӑ. Арҫын кода каланӑ.
Унтан хайхипе Росфинансмониторингпа Федерацин хӑрушсӑрлӑх службин ӗҫченӗ текенсем ҫыхӑннӑ. Унпа форма тӑхӑннӑ улитавҫӑсем те видеооҫыхӑнупа калаҫнӑ, вӗсем арҫын укҫа ҫухатасран пӑшӑрханнине пӗлтернӗ. Ятарлӑ службӑсемпе калаҫма урӑх телефон та туянма сӗннӗ.
Арҫын темиҫе кунта 60 миллион тенкӗ ытла такамсене куҫарса пана, лешсем укҫа Тӗп банкри ятарлӑ счет ҫинче упранать тесе суя справка та ярса панӑ.
Елчӗк районӗнчи Чӑваш Тӑрӑмӗнче пурӑнакан 39 ҫулти арҫыннӑн ҫул ҫитмен хӗрне алимент тӳлес килмен. Унӑн парӑмӗ 1,2 миллион тенкӗрен каҫса кайнӑ.
Вырӑнти район сучӗ ӑна РФ Пуҫиле кодексӗн 157-мӗш статйин 1-мӗш пайӗпе явап тыттарма йышӑннӑ. Унччен ӑна административлӑ майпа явап тыттарнӑ.
Халӗ арҫыннӑн 5 уйах ӗҫлесе юсанма тивӗ, унӑн тупӑшӗн 5 процентне патшалӑх тытса юлса пырӗ.
+9.3 °C