Мускавра кӑрлач уйӑхӗн вӗҫӗнче «Голос. Дети» проект валли клип ӳкернӗ. Унта пирӗн ентеш те хутшӑннӑ.

Шупашкарти 31-мӗш шкулта ӑс пухакан Александр Долинский телепроекта хутшӑнакан Рагда Ханивӑн тата Саша Савиновӑн клипӗнче тӗп роле калӑпланӑ.

Шупашкар хула администрацийӗн вӗренӳ управленийӗ пӗлтернӗ тӑрӑх, KID LIKES Cinema Production ача-пӑча компанийӗ клипра ӳкерӗнмешкӗн кастинг ирттересси пирки пӗлтернӗ. Унта Шупашкарти шкул ачи лекнӗ, ӑна тӗр роле шаннӑ.

«Летай» юрӑ клипне Мускавра тата Одинцовӑра ӳкернӗ. Нарӑс уйӑхӗн пуҫламӑшӗнче унӑн премьери пулнӑ. Сценари ҫапларах: тӗп сӑнар хоккейла вылясшӑн, анчах лару-тӑру пачах урӑхла пулса пырать.