Сайта кӗр | Регистраци | Сайта кӗрсен унпа туллин усӑ курма пулӗ
 +15.3 °C
Кӑмӑла кура кӑмӑл.
[ваттисен сӑмахӗ]
 

Хыпарсем: сывлӑх

Пӑтӑрмахсем
Pixabay.com сӑнӳкерчӗкӗ
Pixabay.com сӑнӳкерчӗкӗ

Чӑваш Енре шӑпарлан саккӑрмӗш хутран ӳксе чӗрӗ юлнӑ.

Инкек Ҫӗнӗ Шупашкарта ҫурла уйӑхӗн 1-мӗшӗнче пулса иртнӗ. Ҫӳллӗ хутран персе аннӑ ачана ҫийӗнчех больницӑна илсе кайнӑ.

Хӗрача 10-мӗш пиллӗкҫуллӑх урамӗнчи 5-мӗш ҫурт чӳречинчен тухса ӳкнӗ. Пӗчӗкскер кипкепе ҫуралнӑ тейӗн – вӑл вилмен. Анчах хытах аманнӑ. Халӗ ача реанимацире выртать.

Инкек сӑлтавне пӗлместпӗр те, анчах ҫулла пӗчӗк ачасем уҫӑ чӳречерен тухса ӳкнӗ тӗслӗхсем пулкалани вӑрттӑнлӑх мар. Ҫавӑнпа та аслисен питӗ тимлӗ пулмалла.

Хыпар ҫӑлкуҫӗ: chv.aif.ru
 

Сывлӑх
cap.ru сӑнӳкерчӗкӗ. Канашлури самант
cap.ru сӑнӳкерчӗкӗ. Канашлури самант

Иртнӗ тунтикун республикӑра пӗр талӑкра 24 ҫын кӑшӑлвируспа чирленӗ пулсан паян – 60. Инфекциленнисен йышӗ ӳссе пырать. Ҫак ыйтӑва паян Правительство ҫуртӗнче иртнӗ канашлура сӳтсе явнӑ.

ЧР сывлӑх сыхлавӗн министрӗ Владимир Степанов ҫакна отпускран, куртортран, таврӑнакансен йышӗ пысӑкланнипе ҫыхӑнтарать. Уйрӑмах – Краснодартан тата Крымран.

Ведомство пӗлтернӗ тӑрӑх, авӑн уйӑхӗнче кӑшӑлвирус ҫӗнӗ вӑйпа сарӑлма тытӑнас хӑрушлӑх пур. Кунсӑр пуҫне яланхи ытти инфекци чирӗсем те йӑл илӗҫ. Министр прививка тумашкӑн вакцина ҫителӗклине пӗлтернӗ. Хальлӗхе 674 доза пур. Вакцинациленекенсен йышӗ нумай пулсан татах кӳрсе килӗҫ. Ревакцинаци тума «Спутник Лайт» каять.

Сӑмах май, халӗ республикӑра коллектив иммунитечӗ 11,5 процентпа танлашать.

 

Сывлӑх
medicin.cap.ru сӑнӳкерчӗкӗ
medicin.cap.ru сӑнӳкерчӗкӗ

Ҫу пуҫланнӑранпа Республикӑн ача-пӑча клиника больницине 7 ачана ҫӗлен сӑхнӑран илсе пынӑ. Вӗсене хура ҫӗлен сӑхнӑ. Шар курнисенчен чылайӑшӗ — 10 ҫула ҫитичченхи ачасем. Вӗсене пурне те тухтӑрсем тивӗҫлӗ пулӑшу кӳнӗ.

«Хура ҫӗлен сӑхнӑ пациентсене пурне те наркӑмӑшран ятарлӑ сывортка янӑ. Ачана больницӑра мӗн чухлӗ вӑхӑт тытасси унӑн сывлӑхӗнчен килет», — ӑнлантарса панӑ йышӑну уйрӑмӗн заведующийӗ Надежда Жукова.

Сӑмах май каласан, ҫӗлене курсан ӑна пырса тӗкӗнмелле мар, шӑппӑн кӑна айккинелле пӑрӑнмалла.

 

Пӑтӑрмахсем
Александр Полтинин. chuvashia.sledcom.ru сӑнӳкерчӗкӗ
Александр Полтинин. chuvashia.sledcom.ru сӑнӳкерчӗкӗ

РФ Следстви комитечӗн Чӑваш Енри управленийӗн пуҫлӑхӗ Александр Полтинин Ҫӗнӗ Шупашкарта ҫынсене хӑйсен ыйтӑвӗсемпе йышӑннӑ. Ҫавӑн чухне ун патне 4 ҫын пынӑ. Вӗсенчен пӗри ӑнлантарса панӑ тӑрӑх, унӑн мӑнукӗ, 1977 ҫулта ҫуралнӑскер, кӑҫалхи ҫӗртме уйӑхӗнче хӑйӗн ҫине алӑ хунӑ. Ҫавӑншӑн хӗрарӑм хӑйсен ҫемйине лӑпкӑ пурӑнма ирӗк паман пӗр этем айӑплӑ тесе шухӑшлать. Вӑл вӗсене кӑмӑл-сипет тата психологи тӗшӗнчен пусмӑрласа тӑрать имӗш. Вӑйпитти хӗрарӑм шӑпах ҫавна чӑтайман-мӗн.

Александр Полтинин ҫынна хӑйӗн ҫине алӑ хурасси патне илсе ҫитернӗшӗн хӑйӗн ӗҫченӗсене вӑрах тӑхтамасӑр пуҫиле ӗҫ пуҫарма хушнӑ. Пуҫиле ӗҫе епле тӗпченине вӑл хӑй тӗрӗслесе тӑрӗ.

 

Сывлӑх
cap.ru сӑнӳкерчӗкӗ
cap.ru сӑнӳкерчӗкӗ

99 ҫулти кинемей килте ӑнсӑртран майсӑр ӳкнӗ. Унӑн пӗҫӗ шӑмми, аяк пӗрчисем хуҫӑлнӑ, суранланнӑ вырӑнсем пулнӑ.

Чӗрепе юн тымарӗсен тытӑмӗнче кӑлтӑксем сиксе тухма пултарнӑран тухтӑрсем операцие пӗр тӑхтамасӑр тумаллине палӑртнӑ. Хулан 1-мӗш клиника пульницин 2-мӗш травматологи уйрӑмӗн заведующийӗ Алексей Панасенко тата Никита Максимов травматолог-ортопед кинемее тӗплӗн тӗрӗсленӗ. Операци ӑнӑҫлӑ иртнӗ.

Халӗ 99 ҫулти кинемей вырӑн ҫинчен тӑрать, ятарлӑ хатӗрпе утаять. Анчах хальлӗхе аяк пӗрчи хуҫӑлнӑран утнӑ чухне вӑл кукӑрӑлать.

 

Пӑтӑрмахсем
cheb.ru сӑнӳкерчӗкӗ
cheb.ru сӑнӳкерчӗкӗ

Паян, утӑ уйӑхӗн 27-мӗшӗнче, ҫӗрле, ҫурҫӗр тӗлӗнче, Чӑваш Республикин Шыравпа ҫӑлав службине Шуашкарти ҫуртсенчен пӗрин ҫивиттийӗ ҫинче ҫара арҫын ҫӳрени пирки пӗлтерекен тупӑннӑ.

Ҫара арҫын Шупашкарти Миттов бульварӗнчи ҫурт ҫивиттийӗ ҫинче пулнӑ. Вӑл хӑйне йӗркеллӗ тытман.

Арҫынна куракансем вӑл персе анасран хӑранӑ, ҫавӑнпа ҫӑлавҫӑсем патне шӑнкӑравланӑ. Специалистсем ун патне пусма тӑрӑх хӑпарса кайнӑ, альпинист снаряженийӗпе ҫыхса арҫынна ҫивитти ҫинчен антарнӑ. Унтан ӑна полици ӗҫченӗсен аллине панӑ.

 

Сывлӑх
cap.ru сӑнӳкерчӗкӗ. Оксана Валяйкина фельдшер тата Кристина Терентьева медсестра
cap.ru сӑнӳкерчӗкӗ. Оксана Валяйкина фельдшер тата Кристина Терентьева медсестра

Утӑ уйӑхӗн 25-мӗшӗнче арҫын сарайӗнче ӗҫленӗ. Ӑна ҫав вӑхӑтра сӑвӑслан сӑхнӑ.

Арҫын хӑйне япӑх туйма пуҫланӑ: пуҫӗ ҫаврӑннӑ, сывлама йывӑрланнӑ. Вӑл киле кӗрсе аллергирен эмел ӗҫнӗ, васкавлӑ медпулӑшу чӗннӗ. Анчах тухтӑрсем ҫитиччен унӑн сывлӑхӗ тата япӑхланнӑ. Тухтӑрсем унӑн анафилактика шокӗ пулнине ӑнланнӑ. Оксана Валяйкина фельдшер тата Кристина Терентьева медсестра ҫур сехет унӑн пурнӑҫӗшӗн кӗрешнӗ. Ҫитменнине, арҫыннӑн юн пусӑмӗ 40/0 таран чакса ларнӑ.

Шурӑ халатлисем унӑн сывлӑхне йӗркене кӗртнӗ. Кун хыҫҫӑн вӗсем пациента пульницӑна илсе ҫитернӗ.

 

Сывлӑх
forum.na-svyazi.ru порталтан илнӗ сӑнӳкерчӗк
forum.na-svyazi.ru порталтан илнӗ сӑнӳкерчӗк

Ҫак кунсенче пирӗн республика территорийӗнче ҫанталӑк шӑрӑх тӑрать.

Роспотребнадзорӑн Чӑваш Енри управленийӗнче пӗлтернӗ тӑрӑх, ҫанталӑк температури 29 градус пулсан ӗҫ кунне 2 сехет чакарсан аван, 30,5 градус пулсан — 4 сехет.

Асӑннӑ сӗнӳ вӑй-хал ӗҫӗнче тӑрӑшакансене тата пӗр вырӑнтан тепӗр ҫӗре куҫса ҫӳресе ӗҫлекенсене пырса тивмест. Ун пеккисен ӗҫ кунне ҫанталӑк 26,5-27,5 градус чухнех чакармалла.

«Погода в Чувашии» портал пӗлтернӗ тӑрӑх, хальхи сывлӑш температури климат виҫинчен 2-5 градус ҫеҫ пысӑкрах. Эрнекун ҫанталӑк сулхӑнлатӗ.

 

Сывлӑх
techinsider.ru сайтри сӑн
techinsider.ru сайтри сӑн

Чӑваш Ене кӑшӑлвирусран хӳтӗленмелли ҫӗнӗ вакцина илсе килӗҫ. Вӑл сӑмсана сирпӗтмелли спрей евӗр пулӗ. Ӑна та, «Спутник V» евӗрех, икӗ хутчен тумалла: пӗрремӗшӗ хыҫҫӑн 3 эрне иртмелле.

Кунашкал вакцина уколран хӑракан ҫынсемшӗн меллӗ. Ӑна сӑмсана сирпӗтсен кӑшӑлвирусран хӳтӗлекен иммунитет аталанать. Вирус шӑпах сӑмсан тата ҫӑварӑн йӑлмакаллӑ сийӗ урлӑ организма лекет-ҫке-ха.

Халӗ республикӑна насадкӑсем илсе килессе кӗтеҫҫӗ. Кун хыҫҫӑнах прививка кампанине ҫӗнӗрен пуҫлӗҫ.

Хыпар ҫӑлкуҫӗ: https://pg21.ru/news/80544
 

Сывлӑх
cap.ru сӑнӳкерчӗкӗ
cap.ru сӑнӳкерчӗкӗ

Иртнӗ эрнере Республикӑри ача-пӑча клиника пульницине амӑшӗпе хӗрӗ ҫитнӗ. 8-ти хӗрачан хырӑмӗ ыратнӑ, ҫав тӗлте вӑл хытӑ япала пуррине асӑрханӑ. Ачан апат та ҫиес килмен.

Тухтӑрскм УЗИ тунӑ. Вӗсем хырӑмлӑхра темӗнле япала пуррине курнӑ. Вӑл хырӑмлӑх пысӑкӑшех пулнӑ. Ку -трихобезоар, ҫак органра ирӗлмен япаласем. Ҫак тӗслӗхре - ҫӳҫ.

Тухтӑрсем ӑнлантарнӑ тӑрӑх, ку чир хӗрачасен хушшинче тӗл пулать, вӗсем хӑйсем сисмесӗрех ҫӳҫ вӗҫне ҫыртаҫҫӗ.

Тухтӑрсем ачара операци тума янӑ.

 

Страницӑсем: 1 ... 30, 31, 32, 33, 34, 35, 36, 37, 38, 39, [40], 41, 42, 43, 44, 45, 46, 47, 48, 49, 50, ... 237
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (04.04.2025 15:00) пӗлӗтлӗ ҫанталӑк, атмосфера пусӑмӗ 738 - 740 мм, 13 - 15 градус ӑшӑ пулӗ, ҫил 7-9 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 04

1882
143
Васильев Иван Васильевич, ятарлӑ вӗреннӗ пӗрремӗш чӑваш юрӑҫи ҫуралнӑ.
1943
82
Аттил Алексей Васильевич, чӑваш сӑвӑҫи ҫуралнӑ.
1963
62
Пӑртта Александр Иванович, чӑваш сӑвӑҫи, драматургӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
ӑсатма тухни — ҫылӑх, юрамасть
кил-йышри арҫын
хӑнана ӑсатма никам та тухмасть
хуҫа хӑй
хуҫа арӑмӗ
хуҫин ҫитӗннӗ ачисем
пӗтӗм кил-йышпа тухаҫҫӗ
хӑни ҫулне ахаль те пӗлет, ӑсатмасӑр та
хуҫа тарҫи
хуть те кам тухсан та