Пӑрачкава кӗнӗ ҫӗрте ҫӗнӗ стела пулӗ. Ӑна ҫак кунсенче вырнаҫтарма тытӑннӑ.
Стела Пӑрачкава ҫурҫӗр енчен кӗнӗ ҫӗрте пулӗ. Шӑпах ҫавӑнтан яла вырӑнти ҫынсем, хӑнасем ытларах килеҫҫӗ-мӗн. Кивӗ стелӑна вара Пӑрачкавран тухнӑ ҫӗрте, Напольное ялӗ патӗнче, вырнаҫтарӗҫ.
Палӑртса хӑварар: Пӑрачкаври стелӑна «Ниме – Халӑх хысни» пуҫаруллӑ бюджет программипе килӗшӳллӗн вырнаҫтараҫҫӗ.
Ҫӗнӗ Шупашкарта ҫӗнӗ стела вырнаҫтарасшӑн. Вӑл «Ҫамрӑк мӑшӑрсене» ятлӑ пулӗ. Ӑна хула историйӗн музейӗ умне лартасшӑн. Хальлӗхе палӑртнӑ тӑрӑх, стелӑна ҫулталӑк вӗҫлениччен вырнаҫтарасшӑн.
Стела 10 метр ҫӳллӗш пулӗ. Вӑл ҫӳлелле хӑпаракан темиҫе ҫӳхе пӑрӑхран тӑрать. Варринче икӗ ҫӗрӗллӗ чӗре. Тӑрринче вара – аистсемпе салтак тӳмисем.
Стела ҫакӑн пекех пулать-и е ҫук-и – хальлӗхе ҫирӗплетсе калама ҫук, мӗншӗн тесен проекта йӑлтах туса пӗтермен-ха.
+13.3 °C