Пирӗн ҫӗршывра ют ҫӗршыври хӑш-пӗр мессенджерпа халӑх тетелӗпе усӑ курма чарчӗҫ. Нумаях пулмасть ҫак чару Телеграма пырса ҫапрӗ. Ку мессенджер пӗр-пӗринпе видеоҫыхӑну мелӗпе калаҫма ҫеҫ мар, тӗрлӗ хыпар-хӑнара пӗлме те меллӗ. Унта ӑслӑ-тӑнлӑ ҫынсен каналӗсем нумай. Вӗсем тӗрлӗ темӑпа ҫыраҫҫӗ, ҫав шутра — политика енӗпе те.
Телегрампа усӑ курма чарнине ҫӳлтисем тӗрлӗ сӑлтавпа ҫыхӑнтарчӗҫ.
Тӗрӗссипе, хамӑр ҫӗршыври МАХ мессенджер функционал енчен паян кун та Телеграма ҫитеймест. Сӑмахран, паян кун та унта комментарисем ҫырма пулмасть, истори вырнаҫтарма та май ҫук.
Халӗ Раҫҫейӗн Патшалӑх Думин депутачӗсем ҫӗршывӑн Цифра аталанӑвӗн министерствине Телеграма «ирӗке кӑларма» ыйтса ҫырупа тухнӑ-мӗн. Вӗсем шухӑшланӑ тӑрӑх, Телеграм блокировки патшалӑх хыснине вуншар миллиард тенкӗ тӑкак кӳрет.
Чӑваш Енре пурӑнакансем тухтӑр патне «МАХ» наци мессенджерӗ урлӑ ҫырӑнма пултараҫҫӗ. Кун пирки республикӑн сывлӑх сыхлав министрӗ Лариса Тарасова халӑх тетелӗнчи хӑйӗн страницинче пӗлтернӗ.
«Ятарлӑ мини-приложенипе усӑ курса ҫынсем терапевт патне ҫырӑнма пултараҫҫӗ. Специалистсен списокӗ ӳлӗмрен ӳссе пырӗ», — пӗлтернӗ Лариса Тарасова.
«МАХ» мессенджер урлӑ тухтӑр патне ҫырӑнас тесен @medicine_chuv_bot бота уҫмалла.
Чӑваш Енре пурӑнакансем тӗрлӗ мессенджерпа ытларах усӑ кураҫҫӗ. Ҫуллахи вӑхӑтра мессенджерсенчи интернет-трафик пӗтӗрхи ҫав вӑхӑтринчен 85 процент нумайланнӑ.
Чӑваш Енре пурӑнакансенчен ытларахӑшӗ Телегрампа усӑ курать. Унтан ҫынсем ҫулталӑк каяллахинчен информаци икӗ хут ытларах уҫласа илнӗ. Асӑннӑ мессенджерпа усӑ курса шӑнкӑравласси вара 3 хут ӳснӗ.
Пирӗн тӑрӑхисем ҫавӑн пекех Ватсаппа усӑ кураҫҫӗ. Асӑннӑ мессенджерпа усӑ куракансен йышӗ 40 процент ӳснӗ. Вайберпа усӑ куракансем унччен те йышлах пулман-мӗн, халӗ те аплах мар. Унпа усӑ куракансен шучӗ ҫулталӑкра 22 процент чакнӑ.
+23.8 °C