Хыпарсем: маунтибайк

ПУШ

Чӑваш Ен спортсменӗ нейтраллӑ статус илнӗ
■ Софья Савнеш | 11.03.2026 20:55 |

#спорт, #маунтибайк, #велоспорт, #Шупашкар, #ӑмӑртусем, #спортсменсем

cap.ru сайтри сӑн

Чӑваш Енри велочупуҫӑ Евгений Евграфов нейтраллӑ статус илнӗ. Ку ӑна тӗнче шайӗнчи ӑмӑртусене хутшӑнма май парать.

Нейтраллӑ статуса вӑл Пӗтӗм тӗнчери велочупуҫӑсен пӗрлӗхӗнчен илнӗ. Ҫапла вӑл халӗ UCI календаре кӗртнӗ тупӑшусене хутшӑнма пултарать.

Палӑртса хӑварар: Евгений Евграфов 27 ҫулта, вӑл – Раҫҫей спорт мастерӗ тата Раҫҫейӗн велоспорт (маунтинбайк) енӗпе пӗрлештернӗ командин пайташӗ. Евгений Шупашкарти Олимп резервӗсен В.Ярды ячӗллӗ 7-мӗш спорт шкулӗнче ӑсталӑхне туптать.

Хыпар ҫӑлкуҫӗ: https://t.me/minsport_21

ҪУР

Ирина Калентьева финиша 17-мӗш ҫитнӗ
■ Софья Савнеш | 22.08.2016 20:23 |

#Олимп вӑййисем, #спорт, #маунтибайк, #Нӑрваш Шӑхаль, #Патӑрьел районӗ, #Рио-де-Жанейро

Спорт

Бразилире маунтинбайк енӗпе ӑмӑрту ҫурла уйӑхӗн 20-мӗшӗнче иртнӗ. Унта Патӑрьел районӗнчи Нӑрваш Шӑхаль ялӗнче ҫуралса ӳснӗ Ирина Калентьева хутшӑннӑ.

Букмейкерсен танлаштарӑмӗнче Ирина Калентьева 4-мӗш вырӑн йышӑннӑ. Рио-де-Жанейрӑра вӑл малти вырӑна тухайман. Ӑмӑртура Швеци спортсменки Йенни Риссведс финиша малтан ҫитнӗ. Унтан Польшӑри Майя Влощовская килнӗ. Виҫҫӗмӗш вырӑна Канадӑри Катрин Пендрел йышӑннӑ.

Ирина Калентьева финиша 17-мӗш ҫеҫ ҫитнӗ. Пӗтӗмпе медальсемшӗн 30 велочупуҫӑ кӗрешнӗ. Ирина дистанцие 1:36:54 кӑтартупа вӗҫленӗ.

Хыпар ҫӑлкуҫӗ: http://pg21.ru/news/35748