Кӑҫалхи нарӑс уйӑхӗн 21-мӗшӗнченпе Шупашкарпа Ҫӗнӗ Шупашкар хулисене 61-мӗш номерлӗ маршрутпа ҫыхӑнтарчӗҫ. Республикӑн Транспорт министерствинче пӗлтернӗ тӑрӑх, унтанпа вӑл 71 пин пассажира турттарма ӗлкернӗ.
Асӑннӑ ведомствӑн ертӳҫи Максим Петров ҫӗнӗ маршрут епле ӗҫленине тӗрӗслеме хӑй ҫула тухнӑ.
Максим Петров журналистсемпе калаҫнӑ чухне республика Элтеперне ырласа хӑварнӑ: 2020 ҫултанпа 221 ҫӗне троллейбус, 47 автобус туяннине пӗлтернӗ. Министерство ертӳҫи пӗтӗмлетнӗ тӑрӑх, ку маршрут питех те кирлӗ.
Ҫӗнӗ ҫул каҫхине Шупашкарта троллейбуссемпе автобуссем ҫур ҫӗр иртни 1 сехетчен ҫӳрӗҫ. Хула администрацийӗн сайтӗнче пӗлтернӗ тӑрӑх, общество транспортне тӗп магистраль маршручӗсемпе кӑна ярӗҫ. Вӗсем хӑшӗсем пулнине палӑртман.
Кӑрлачӑн 1-2-мӗшӗсенче общество транспорчӗ вырсаникунхи маршрутпа ҫӳрӗ.
Шупашкарта кӗҫех ҫӗнӗ маршрут хута ярӗҫ. Вӑл 13-мӗш номерлӗ пулӗ. Маршрут Улатӑр ҫулӗпе ЖБК-9 ҫыхӑнтарӗ. Йышӑнӑва ЧР Элтеперӗ Олег Николаев алӑ пуснӑ ӗнтӗ.
Кун пек маршрута уҫма хула ҫыннисем ыйтнӑ. Владимир тӑвӗ ҫывӑхӗнче ҫӗнӗ ҫурт хута янипе унтан иртсе ҫӳрекен автобуссем кирлине палӑртнӑ вӗсем. 13-мӗш маршрут уҫӑлсан та ытти автобус линире ҫав схемӑпах ӗҫлӗ.
Общество транспотӗнче билет хакӗ ӳснӗренпе ҫур ҫул кӑна иртнӗ. Кӑрлачӑн 1- мӗшӗнчен каллех хакланасси пирки пӗлтереҫҫӗ.
Троллейбусра билет хакӗ 4-7 тенкӗ ӳсӗ. Ҫапла Ҫӗнӗ ҫул хыҫҫӑн билет 37 тенкӗ тӑрӗ. Карттӑпа тӳлесен – 33 тенкӗ. Автобусра та, Ҫӗнӗ Шупашкартан Шупашкара ҫӳрекен троллейбусра ҫак хаках пулӗ.
Ҫӗнӗ Шупашкарта троллейбуспа ҫӳреме 31 тенкӗ кирлӗ пулӗ, карттӑпа тӳлесен – 29 тенкӗ.
Шупашкартан Ҫӗнӗ Шупашкара ҫӳрекен 331-мӗш маршрутка ҫул ҫинче пынӑ чухнех алӑксӑр тӑрса юлнӑ. Ку Шупашкарта Сӗнтӗрвӑрри ҫулӗ ҫинче пулнӑ.
Ку видеорегистратор ҫине лекнӗ. Автобус «Мегастрой» чарӑну патӗнчен хускалса Ҫӗнӗ Шупашкар еннелле кайсан уҫӑ алӑкпа пынӑ. Кӑштах кайсан ҫул хӗрринчи юр патнерех пынӑ та алӑк хӑйпӑнса ӳкнӗ.
Республикӑри йӗрке хуралҫисем «Хӗл мучи полицейски» акцие хутшӑнаҫҫӗ. Нумаях пулмасть вӗсем светофор симӗс ҫутнӑ вӑхӑтра ҫул урлӑ каҫнӑ чухне автобус айне ҫакланнӑ арҫын ача патне саламлама кайнӑ. Телее, вӑл аварире хытах аманман.
Полицейскисем ӑна шкултан кӗтсе илнӗ, пылак парнепе савӑнтарнӑ, вылямалли полици машини тата паттӑрсем пирки ҫырнӑ кӗнеке панӑ.
Шупашкарти 52-мӗш маршрутпа ҫӳрекен пӗр автобуса Яков Липкин ятне панӑ. Вӑл Чӑвашавторансӑн тӗп директорӗ пулнӑ, ӑна чӗрӗк ӗмӗр ертсе пынӑ. Автобус маршрут ҫине чӳк, уйӑхӗн 25-мӗшӗнче тухӗ.
Сӑмах май, чӳк, уйӑхӗн пуҫламӑшӗнче Шупашкарпа Ҫӗнӗ Шупашкара ҫыхӑнтаракан икӗ троллейбуса ят панӑ. Вӗсем Геннадий Устинов Виталий Орешников ятлӑ.
Паян Канаш хулинче ирхи 6 сехетре маршрутка ҫуннӑ. Юрать-ха, никам та шар курман. Салонра никам та пулман.
Транспорт Кооператив урамӗнчи автобаза пулнӑ вырӑнта ларнӑ. Маршруткӑна тӑрук ҫулӑм хыпса илнӗ. Транспорт сиенленнӗ. Халӗ ҫулӑм мӗнрен тухнине тӗпчеҫҫӗ.
Аса илтерер: иртнӗ эрнере Ҫӗнӗ Шупашкарта 101-мӗш маршрутпа ҫӳрекен автобус ҫуннӑ. Ун чухне те салонра никам та пулман.
Шупашкарти тата Ҫӗнӗ, Шупашкарти пассажир маршручӗсем ҫинче улшӑнусем пулӗҫ.
Шупашкарта ҫӗнӗ маршрут уҫма палӑртнӑ. Вӑл 13-мӗш маршрут пулӗ. Малтанлӑха палӑртнӑ тӑрӑх, вӑл ЖБК-9 тата Улатӑр ҫулне ҫыхӑнтарӗ. 7Э, 7 тата 30-мӗш маршрутсене упраса хӑварӗҫ.
Ырантан Елчӗк муниципаллӑ округӗнче «Елчӗк – Лаш Таяпа – Шӑмалак» маршрутпа автобус ҫӳреме пуҫлӗ.
Ку ыйтӑва «Пӗрремӗш транспорт медиакомпанийӗн» директорӗпе Владимир Шашковпа сӳтсе явнӑ, ирхи, кӑнтӑрлахи тата каҫхи графике сӳтсе явнӑ. Юлашки чарӑну районти тӗп пульница умӗнче пулӗ.
-4.7 °C