Паян Патшалӑх Канашӗн сессийӗнче Чӑваш Ен Элтеперӗн суйлавӗ хӑҫан иртессине палӑртнӑ: авӑнӑн 14-мӗшӗнче.
Олег Николаев «Тӗрӗслӗхшӗн Раҫҫей» парти пайташӗ пулсан та суйлава самовыдвиженец пек каяссине ҫу уйӑхӗнчех пӗлтернӗ. Ҫавӑн чухнех «Пӗрлӗхлӗ Раҫҫей» хӑйӗн кандидатурине тӑратмассине хыпарланӑ.
«КоммерсантЪ» пӗлтернӗ тӑрӑх, суйлавра Олег Николаевӑн кандидатурине «Пӗрлӗхлӗ Раҫҫей» кӑна мар, КПРФ та ырлассине каланӑ. Коммунистсем Элтепер вырӑнӗшӗн кӗрешмӗҫ, мӗншӗн тесен хальхи Элтепер позицийӗпе килӗшеҫҫӗ.
Чӑваш Ен Элтеперне хӑҫан суйласси паллӑ. Республикӑн Патшалӑх Канашӗн черетлӗ сессийӗнче Чӑваш Ен Элтеперӗн суйлавӗн кунне палӑртнӑ. Республика ертӳҫине кӑҫалхи авӑн уйӑхӗн 14-мӗшӗнче суйлӑпӑр.
«Кӑҫал пирӗн республикӑра явапла, историлле пулӑм пулӑм, Чӑваш Ен Элтеперӗн суйлавӗ, пулса иртӗ. Унран регион малашлӑхӗ нумай килет», — тесе палӑртса хӑварнӑ Патшалах Канашӗн спикерӗ Леонид Черкесов.
Раҫҫейӗн ЮТ ҫӗршыв ӗҫӗсен министерствин Шупашкарти уйрӑмӗн пуҫлӑхӗ пулма Андрей Синицкие ҫирӗплетнӗ. Унччен вӑл Тӗп федераци инспекторӗн канашҫи пулнӑ, тата маларах «КоммерсантЪ» хаҫатра ӗҫленӗ.
Ҫӗнӗ ертӳҫӗпе Чӑваш Ен Элтеперне Олег Николаева ӗнер, ҫӗртме уйӑхӗн 2-мӗшӗнче, Раҫҫейӗн ЮТ ҫӗршыв ӗҫӗсен министерствин Чулхулари пайташӗ Сергей Малов паллаштарнӑ.
ЧР Министрсен Кабинечӗн председателӗн хушӑвӗпе килӗшӳллӗн, ЧР ӗҫлев министрӗн пӗрремӗш ҫумне ӗҫрен кӑларнӑ. Ку должноҫре Лариса Арсентьева 8 ҫул ӗҫленӗ.
Ку должноҫре вӑл 2017 ҫултанпа вӑй хунӑ. Унччен маларах ҫулталӑк ытла вӑл ЧР Элтеперӗн администрацийӗн ертӳҫин пӗрремӗш ҫумӗ пулнӑ. Тата кӑшт маларах вара Шупашкар район администрацийӗнче ӗҫленӗ.
Элӗк, Красноармейски тата Пӑрачкав округӗсенче пӗлтӗр пушар чаҫӗсен виҫӗ ҫӗнӗ постне йӗркеленӗ. Кӑҫал Ҫӗрпӳ округӗнчи Чурачӑк салинче пушар чаҫӗн тата тепӗр уйрӑм посчӗ ӗҫлеме пуҫланӑ. Кун пирки Чӑваш Ен Элтеперӗ Олег Николаев пушар хуралӗн ӗҫченӗсене професси уявӗпе саламлана май палӑртса хӑварнӑ.
«Эпир ҫакӑнпа кӑна чарӑнса тӑма шутламастпӑр, ҫитес виҫӗ ҫулта пушарпа кӗрешекен службӑн тата 8 подразделенине, 42 ирӗклӗ пушар командине йӗркелеме, ҫавӑн пекех республикӑри муниципалитетсенче 7 ҫӗнӗ пушар деповӗ тума палӑртатпӑр», — хыпарланӑ Элтепер.
ЧР Элтеперне Олег Николаева Узбекистанра чӑваш юррипе кӗтсе илнӗ. Карши университетӗнчи студентсем аякри хӑнасем валли чӑваш юррине шӑрантарнӑ.
Тӗлпулура ҫыхӑнӑва ҫирӗплетесси пирки калаҫнӑ. Уйрӑмах вӗренӗве тимлӗх уйӑрнӑ. Палӑртмалла: хальхи вӑхӑтра Чӑваш Енре Узбекистанри 150 яхӑн студент ӑс пухать. Малашне ҫамрӑксемпе улшӑнма, квотӑсем хатӗрлеме палӑртнӑ.
Чӑваш Ен делегацийӗ ҫӗвӗ фабрикине, газохими заводне тата «Uzbekistan GTL» завода ҫитсе курнӑ. Икӗ ен пирӗн технологисем вӗсен производствине мӗнле ҫӗнетме пултарнине сӳтсе явнӑ.
Депутатсем Сергей Артамонова Министрсен Кабинечӗн председателӗ пулма суйланӑ. Паян Патшалӑх Канашӗн 34-мӗш сессийӗ иртнӗ. Сергей Артаманов кандидатурине 38 депутат суйланӑ, иккӗн хирӗҫ пулнӑ.
Аса илтерер: Республика правительствине Олег Николаев Элтепер тивӗҫне пурнӑҫланӑ вӑхӑтра, 2020 ҫулхи нарӑсӑн 6-мӗшӗнче, ертсе пыма тытӑннӑ. Унччен ку дожноҫе 8 ҫул Иван Моторин йышӑннӑ.
Чӑваш Енри студенткӑсене 100-шер пин тенкӗ укҫа парӗҫ. Пурне те мар. Ача амӑшӗ пулма хатӗрленекеннисене.
Йывӑр ҫын пулнӑ май учета тӑнӑ ҫамрӑк хӗрарӑмсене патшалӑх хыснинчен хушма укҫа пама тытӑнӗҫ. Кӗмӗле кӑҫалхи кӑрлач уйӑхӗн 1-мӗшӗ хыҫҫӑн учета тӑнисене, ҫие юлнӑранпа 12 эрне иртсен парӗҫ. Укҫана Чӑваш Енре пурӑнакансене, хамӑр тӑрӑхри вӗренӳ заведенийӗсенче ӑс пухакансене парӗҫ.
Шупашкарта пурӑнакан 100 ҫулхи Зинаида Канова патӗнчен ҫак кунсенче халӑх татӑлма пӗлмест. Ун патне журналистсем те пӗрмай пыраҫҫӗ, ӑна шкул ачисем те саламлаҫҫӗ. Паян вара кинемей патӗнче Чӑваш Ен Элтеперӗ Олег Николаев тата Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрӗн директорӗ Светлана Милкина пулнӑ.
Зинаида Андреевна Мордва Республикинчи Смольково ялӗнче ҫуралнӑ, Улатӑрта ӳснӗ, унта нумай ҫул пурӑннӑ. Халӗ вӑл Шупашкарта пурӑнать. Тӑван ҫӗршывӑн аслӑ вӑрҫи вӑхӑтӗнче Зинаида Канова радиотелеграфист пулна, Берлина ҫитнӗ.
Зинаида Андреевна – питӗ кӑмӑллӑ ҫын. Унпа темччен калаҫма пулать. Ун патне хӑнана пыракансем кинемее пурте Ҫӗнтерӳ кунӗпе саламлаҫҫӗ.
Паян, ака уйӑхӗн 17-мӗшӗнче, ЧР Элтеперӗ Олег Николаев журналистсемпе пресс-конференци ирттернӗ. 2 сехет ытла тӑсӑлнӑ вӑл.
Журналистсенчен пӗри республикӑра Ҫӗнтерӳ кунӗпе чӑвашла плакатсем пулманни пирки каланӑ. Вӗсем пулаҫҫӗ-и? Элтепер ку ыйту интереслӗ пулнине палӑртнӑ. Вӑл уяв тӗлне плакатсем пулассине каланӑ.
Аса илтерер: кӑҫал Тӑван ҫӗршывӑн Аслӑ вӑрҫи пӗтнӗренпе 80 ҫул ҫитет.
+12.3 °C