Шупашкар муниципаллӑ округӗнчи икӗ ялта ял паллисем вырнаҫтарнӑ. Кун пирки Дмитрий Мадуров скульптор халӑх тетелӗнчи хӑйӗн страницинче пӗлтернӗ.
Ял паллисене авӑн уйӑхӗн 11-мӗшӗнче вырнаҫтарнӑ-мӗн. Вӗсем 1917 ҫулта пуҫланса кайнӑ Ҫӗньялта тата 1780 ҫулта пуҫарса янӑ Токанашра сумлӑ вырӑн йышӑннӑ.
Вӑрҫӑ вӑхӑтӗнче тылра тӑрӑшнисене сума суса та астӑвӑм палли вырнаҫтарнӑ.
Ҫав ӗҫсен авторӗ — Дмитрий Мадуров.
Ҫулла чылай ялта урамсене, картасене, кӗперсене юсассипе ҫине тӑраҫҫӗ. Ҫуккине тӑваҫҫӗ, япӑхнине ҫӗнетеҫҫӗ. Хӗрлӗ Чутай районӗнчи Атнар ял тӑрӑхӗнче вырӑнти ҫул-йӗре тытса тӑрассипе, хӑтлӑх кӳрессипе ҫине тӑраҫҫӗ. Акӑ, унти Токанашра ял урамне машинӑпа кӗрсе тухма май пултӑр тесе вак чул сарнӑ. Кӗме майӗ пулнӑ-ха. Ҫумӑр ҫуман чух. Пылчӑкра вара кансӗрленнӗ. Ҫула хӑтлӑх кӗртес тесе 600 метр тӑршшӗ вак чул сарнӑ.
Кӑҫал та токанашсем ӗҫсӗр лармӗҫ. Хальхинче вӗсем Тӗп урамри юханшыв урлӑ каҫмӑ тума тытӑннӑ. Ҫул та унта нумаях пулмасть юсама тытӑннӑччӗ.
Сӑнсем (7)
+20.7 °C