Хыпарсем: ИТ-специалист

НАР

Чӑваш Енри айтишниксем хваттерлӗ пулнӑ
■ Таисия Ташней | 28.02.2024 12:43 |

#ҫурт-йӗр, #пулӑшу, #ИТ-специалист, #хваттерсем, #ҫурт-йӗр, #ҫӑмӑллӑх, #укҫа-тенкӗ

t.me/info_cap_news сӑнӳкерчӗкӗ

Чӑваш Енре ӗҫлесе пурӑнакан 300 ытла IT-специалист ҫӑмӑллӑхлӑ ипотека илнӗ. Банксем вӗсем 2 миллиарда яхӑн тенкӗлӗх килӗшӳ тунӑ.

Ҫак ҫӑмӑллӑхпа ӳлӗмрен тата ытларах ҫын усӑ кураяссине эпир ӗнер пӗлтернӗччӗ-ха. Аса илтерер: ҫӗршывра ҫӑмӑллӑхлӑ ипотека программин лимитне хальхи 500 миллиард тенкӗрен 700 миллиард тенке ҫитерсе панӑ. Ҫапла майпа 15 пинрен кая мар айтишник ҫӑмӑллӑхлӑ пограммӑпа хаттер туянайӗ.

Программа хута кайнӑранпа Чӑваш Енри 617 ИТ-специалист заявка панӑ. Вӗсенчен 321-шне пурӗ 1 миллиард та 960 миллион тенкӗлӗх кредит панӑ. Программӑна лекес ӗмӗтлисен 35 ҫултан кӗҫӗнрех пулмалла.

Хыпар ҫӑлкуҫӗ: https://t.me/info_cap_news/5021

НАР

ИТ-специалистсене кивҫен укҫа парӗҫ
■ Таисия Ташней | 28.02.2024 03:22 |

#пулӑшу, #ҫурт-йӗр, #кредит, #ИТ-специалист

Раҫҫейре

ИТ-специалистсене малашне те ҫӑмӑллӑхлӑ кредит парса пулӑшӗҫ. Асӑннӑ программӑпа кредит лимитне унчченхи 500 миллиард тенкӗрен 700 миллиард тенке ҫитерсе пама йышӑннӑ. Кун пирки Раҫҫейӗн Цифра аталанӑвӗн министерстви хыпарланӑ.

Хальхи лимит 50 пин ИТ-специалиста ҫӑмӑллӑхлӑ ипотека илме май парать, тата укҫа хушса панӑран вӑл ҫӑмӑллӑхпа тепӗр 15 пинрен кая май айтишник усӑ курайӗ.

Хыпар ҫӑлкуҫӗ: https://t.me/bbbreaking/176126