"Контактри" сӑн

Шупашкарта ҫуралса ӳснӗ Николай Сазонов Red Fox Elbrus Race фестивале хутшӑнса пысӑк кӑтартупа тӗлӗнтернӗ. Вӑл Эльбрус тӑвӗ ҫине 5 сехет ҫурӑра хӑпарнӑ. Дистанци – 2000 метр.

Ку ӑмӑрту хӑйне евӗрлӗхӗ – ту ҫине нумайран та 6 сехетре хӑпарасси. Ахаль чухне унта 10-12 сехетре хӑпараҫҫӗ.

Николай – 57 ҫулта. Альпинизмпа вӑл 52 ҫулта чухне кӑсӑкланма тытӑннӑ. «Хӑпарса ӗлкӗрессе хам та кӗтменччӗ. 20 градус сивӗ те, вӑйлӑ ҫил те пулчӗ. Часрах сӑн ӳкерӗнтӗмӗр те каялла антӑмӑр», – савӑнӑҫӗпе пайланнӑ Николай.

#спорт, #Шупашкар, #Эльбрус