Раштав уйӑхӗн 24-мӗшӗнче Трак ен - Красноармейски муниципалитет округӗ Нестер Янкас ячӗллӗ культурӑпа искусство тата литература пӗрлӗхӗ хӑй 35 ҫул тултарнине паллӑ турӗ. Ҫак кун 2024 ҫулшӑн паракан Нестер Янкас ячӗллӗ Премийӗн ҫӗнӗ лауреачӗсене чысларӗҫ. Вӗсем ҫаксем:

1. Чӑваш Республикин Цифра аталанӑвӗпе информаци политикин тата массӑллӑ коммуникацисен министерствин «Хыпар» издательство ҫурчӗ» хӑй тытӑмлӑ учрежденийӗн филиалӗ – «Ял пурнӑҫӗ» Красноармейски район хаҫачӗн редакцийӗ Красноармейски муниципалитет округӗн экономикӑпа социаллӑ политика аталанӑвне ҫӗклеме сумлӑ тӳпе хывнӑшӑн тата хаҫатӑн пӗрремӗш номерӗ тухнӑранпа 90 ҫул ҫитнӗ май тивӗҫнӗ. Лауреат ятне пама Чӑваш Республикин Цифра аталанӑвӗпе информаци политикин тата массӑллӑ коммуникацисен министерствин «Хыпар» издательство ҫурчӗ» хӑй тытӑмлӑ учрежденийӗ тӑратнӑ.

2. Афанасьева Любовь Владимировна, юрӑ-кӗвӗ тӗнчинче ырми-канми тӑрӑшнӑшӑн, чӑваш юррине халӑх хушшинче анлӑ сарнӑшӑн тата 2024 ҫулта пултарулӑх ӗҫӗнче пысӑк ҫитӗнӳсем тунӑшӑн тивӗҫнӗ. Лауреат ятне пама Красноармейски муниципалитет округӗнчи Кӗҫӗн Шетмӗ территори пайӗн Кану центрӗ тӑратнӑ.

3. Романова Мария Сильвестровна, «Карай ен» пултарулӑх ушкӑнӗн ӗҫне хастар хутшӑннӑшӑн, чӑваш тата вырӑс юррисене халӑх хушшинче анлӑ сарнӑшӑн, «Ял пурнӑҫӗ» хаҫатра ентешсен ӗҫне-хӗлне тӗплӗн ҫутатса тӑнӑшӑн тата 2024 ҫулта пултарулӑх ӗҫӗнче пысӑк ҫитӗнӳсем тунӑшӑн тивӗҫнӗ. Лауреат ятне пама Чӑваш Республикин Красноармейски муниципалитет округӗн Карай территори пайӗн Кану центрӗ тӑратнӑ.

4. Михайлова Галина Яковлевна, «Ял пурнӑҫӗ» хаҫатра пичетленнӗ илемлӗ калавсен ярӑмӗшӗн, 2024 ҫулта хаҫатӑн дизайнне илемлетессипе тӑрӑшса ӗҫленӗшӗн тата пултарулӑх ӗҫӗнче пысӑк ҫитӗнӳсем тунӑшӑн тивӗҫнӗ. Лауреат ятне пама Чӑваш Республикин Цифра аталанӑвӗпе информаци политикин тата массӑллӑ коммуникацисен министерствин «Хыпар» издательство ҫурчӗ» хӑй тытӑмлӑ учрежденийӗ тӑратнӑ.

#Красноармейски районӗ, #чӑвашлӑх, #культура, #юбилейсем