Синоптиксем пӗлтернӗ тӑрӑх, паян республикӑра кӑнтӑрла хыҫҫӑн пӑрлӑ ҫумӑр ҫӑвӗ. Шупашкарта – 16 сехетрен пуҫласа ҫур ҫӗрччен.

Унтан термометр «плюс» кӑтартма тытӑнӗ. Кӗҫӗр ҫумӑр ҫӑвӗ, вырӑнӑн-вырӑнӑн тӗтре карса илӗ. Ыран сывлӑш температури 2-4 градус ӑшӑ пулӗ. Кӑнтӑр енчен вӗрекен ҫил вӑйланӗ. Кӑнтӑрла хыҫҫӑн йӗпе юр ҫӑвӗ. Шупашкарта – каҫхине тата ҫӗрле.

Тунтикун хӗвел тухма пултарать. Ҫитес эрнере 0-5 градус сивӗ тӑрӗ. Малтанлӑха пӗлтернӗ тӑрӑх, ҫитес 10 кунра ҫанталӑк климат норминчен 5 градус ӑшӑрах пулӗ.

#ҫутҫанталӑк, #синоптиксем, #Шупашкар