Вера Иванова ӳкернӗ видеоран илнӗ скриншот

К.В.Иванов ячӗллӗ Чӑваш патшалӑх академи драма театрӗнче 63 ҫул тӑрӑшнӑ Нина Григорьева ӗҫлеме пӑрахнӑ.

Ҫӗрпӳ районӗнче ҫуралнӑ Нина Ильинична ачаранпах театра юратнӑ. Мускаври театр институтӗнчен вӗренсе килсен Чӑваш патшалӑх академи драма театрӗнче тимлеме тытӑннӑ та тӳрех халӑх юратакан артист пулса тӑнӑ.

Пулас мӑшӑрӗпе, тӑван район каччипе, хӑйӗнчен пӗр ҫул кӗҫӗнрех Николай Даниловичпа, театр институтӗнче паллашнӑ. Унта вӗсене Ромеопа Джульеттӑна выляттарнӑ. Ҫавӑн пек туслашса кайнӑ та чипер хӗрпе хитре каччӑ.

Иртнӗ эрнере Нина Ильинична театртан пӑрахма заявлени ҫырса панӑ. Николай Данилович вара ӗҫӗнчен (вӑл пулас актёрсене сцена ӑсталӑхне вӗрентсе пурӑннӑ) ҫур ҫул каярах кайнӑ.

#ят-сум, #театр, #артистсем, #пултарулӑх, #Ҫӗрпӳ районӗ