chuvashia.sledcom.ru сӑнӳкерчӗкӗ

Ҫӗнӗ Шупашкарти организацисенчен пӗринчи производство цехӗн пуҫлӑхне ӗҫре рабочи вилнӗшӗн явап тыттарнӑ.

Тӗпчевҫӗсем тата суд палӑртнӑ тӑрӑх, цехра ӗҫ хӑрушсӑрлӑхӗн правилисене пӑхӑнса тӑрсан ун пек инкек пулмастчӗ. Пӑтӑрмах 2023 ҫулхи ҫӗртме уйӑхӗн 4-мӗшӗнче каҫхине сиксе тухнӑ. Ҫурма фабрикат упранакан бункера тасатнӑ чухне 56 ҫулти рабочи керамзит айне пулнӑ. Шар курнӑ этем инкек вырӑнӗнчех куҫне хупнӑ.

Суд цех пуҫлӑхне 2 ҫуллӑха тӗрмене хупса хумасӑр айӑплама, сӑнав вӑхӑтне 1,5 ҫуллӑха палӑртса хӑварнӑ.

#инкексем, #сывлӑх, #пӑтӑрмахсем, #Ҫӗнӗ Шупашкар, #судсем