cheboksari.bezformata.com сӑнӳкерчӗкӗ

Чӑваш Енӗн Транспорт тата ҫул-йӗр хуҫалӑхӗн министерстви троллейбуссем туянас ӗмӗтлине пӗлтернӗ.

Маларах эпир тӳре-шара Шупашкарпа Ҫӗнӗ Шупашкара троллейбуспа ҫыхӑнтарас шухӑшлине пӗлтернӗччӗ-ха. Ҫавна май 2023–2024 ҫулсенче 153 троллейбус туянасшӑн. Вӗсенчен 21-шне — республика хысни шучӗпе. Унсӑр пуҫне «Общество транспортне аталантарасси» федераци проекчӗпе килӗшӳллӗн 40 троллейбус илесшӗн. 92 троллейбус туянма кивҫен укҫа илесшӗн.

Электричество транспорчӗн инфраструктурине ҫӗнетме республика хыснинчен 150 миллион тенкӗ ытларах уйӑрасшӑн.

#Ҫӗнӗ Шупашкар, #Шупашкар, #Транспорт министерстви, #пассажирсем, #транспорт, #укҫа-тенкӗ