Азербайджанри тӗлпулусем. minec.cap.ru сӑнӳкерчӗкӗ

Чӑваш Енре туса илекен продукцие Азербайджана ӑсатӗҫ.

Республикӑн Экономика аталанӑвӗн тата пурлӑх хутшӑнӑвӗсен министерствинче пӗлтернӗ тӑрӑх, Чӑваш Енри предприятисем бизнес тӗллевпе Азербайджанра пулнӑ. Виҫӗ кунта стройиндустрин тӗрлӗ компанийӗнче чылай тӗлпулу ирттернӗ.

Сӑмахран, азербайджансене «Берсеркер» компани алӑкӗсем килӗшнӗ. Пахалӑх тӗлӗшӗнчен те, хакӗпе те. Ҫавӑнпа та Чӑваш Енри заводӑн хӑйӗн продукцине курттӑммӑн тата ваккӑн сутакан лавккасемпе дистрибьюторсем урлӑ та, строительство компанийӗсене те сутас шанчӑк пур.

Ҫӗнӗ Шупашкарти «Спектр» ӑслӑлӑхпа прозводство предприятийӗ туса кӑларакан сӑрӑ та Азербайджанри строительсене килӗшнӗ.

«Гервент Рус» компани ҫӗнӗ йышши вентиляци оборудованийӗ туса кӑларать. Вӗсене те азербайджансем ырланӑ.

#Экономика министерстви, #Азербайджан, #экспорт, #экономика, #предприятисем, #строительсем