Инкеклӗ лару-тӑру министерстви тунӑ сӑн

Ҫурла уйӑхӗн 1-мӗшӗнче ҫӗрле, ҫур ҫӗр иртни 2 сехетре, Ҫӗрпӳ районӗнчи Хурӑнвар ялӗнче пушар пулнӑ. Унта лавкка ҫунса кайнӑ. Кун пирки Инкеклӗ лару-тӑру министерстви пӗлтерет.

Ҫулӑм 24 тӑваткал метр лаптӑка тӗп тунӑ. Ку кӑна мар – вӑл кӳршӗллӗ ҫурт ҫине те куҫнӑ. Ҫулӑм ҫенӗке сиенлетнӗ. Юрать-ха, пушарнӑйсем «хӗрлӗ автана» сарӑлма паман. Пӳрте, хуралтӑсене сыхласа хӑварма пултарнӑ. Ҫӑлавҫӑсем пушарнӑйсемпе пӗр сехете яхӑн кӗрешнӗ.

Халӗ «хӗрлӗ автан» мӗн чухлӗ тӑкак кӳнине шутлаҫҫӗ.

#Инкеклӗ лару-тӑру министерстви, #Хурӑнвар, #Ҫӗрпӳ районӗ, #пушарсем, #пӑтӑрмахсем