Паян Шупашкарти «Больница комплексӗ» чарӑнура маршрутка, троллейбус тата грузовик ҫапӑннӑ.

Ҫул-йӗр инспекторӗсем малтанласа палӑртнӑ тӑрӑх, грузовикӑн 34 ҫулхи водителӗ ҫуд ҫинче дистанцие пӑхӑнман пирки 270-мӗш маршруткӑпа пырса ҫапӑннӑ. «Форд» маршрутка чарӑнуран тухма тӑнӑ. Салонта 9 пассажир пулнӑ. Унтан «Форд» 1-мӗш номерлӗ троллейбуспа пырса ҫапӑннӑ. Асӑннӑ транспортра 30-а яхӑн ҫын пулнӑ. Инкекре маршруткӑри 2 пассажир аманнӑ.

Маршруткӑн хыҫалти пайӗ сиенленнӗ, кузовӗ лапчӑннӑ. Троллейбусӑн сулахай енчи кантӑкӗ ваннӑ.

#инкексем, #сывлӑх, #ҫул-йӗр, #транспорт, #Шупашкар