Чӑваш Енре пурӑнакансене джампингпа паллаштарнӑ. Асӑннӑ хатӗр Ҫӗнӗ Шупашкарти А.Г. Николаев ячӗллӗ паркра пур-мӗн. Унта уҫӑ сывлӑшри ӑмӑрту иртнӗ. Ӑмӑртӑва тӗрлӗ ҫулхи 30-а яхӑн хӗрарӑм пуҫтарӑннӑ. Джампинга батут ҫине пуҫласа тӑракансем те ҫӑмӑллӑнах парантарнӑ.

Чӑваш Енӗн спорт министрӗ Василий Петров палӑртнӑ тӑрӑх, Раҫҫей Президенчӗ ҫӗршывра спортпа туслисен йышӗ 2024 ҫул тӗлне 55 процента ҫитмелле тесе тӗллев лартнӑ. Чӑваш Енре пӗлтӗр халӑхӑн 48,2 проценчӗ спортпа тусли пулнӑ.

Джампинг вӑл — мини-батут ҫинчи кардиотренировка. Ӑна Чехинчи фитнес-инструкторсем шухӑшласа кӑларнӑ.

#парксем, #сывлӑх, #спорт, #Ҫӗнӗ Шупашкар