Ӗнер, ҫурла уйӑхӗн 2-мӗшӗнче, Чӑваш Ен спортсменки Анжелика Сидорова Олимп вӑййисенче шӑчӑпа сикессинче ӑмӑртса финала тухнӑ.

Квалификаци ӑмӑртӑвӗ пынӑ чухне ҫумӑр чашлаттарса ҫунӑ. Ҫавӑнпа тупӑшӑва вӑхӑтлӑха чарса лартма тивнӗ. Судьясем финала 12 мар, 15 спортсмена илме йышӑннӑ. Кун валли 4,55 метр ҫеҫ сикмелле пулнӑ. Анжелика вара пӗрре сиксех ӑна ҫӗннӗ. Палӑртмалла: вӑл 2019 ҫулта 4,95 метр сиксе ылтӑн медаль илнӗ.

Финал ҫурлан 5-мӗшӗнче 13 сехет те 20 минутра пуҫланӗ.

#Олимп вӑййисем, #спортсменсем, #спорт