Ыран, кӑрлачӑн 10-мӗшӗнче, кӑнтӑр енчен циклон килнӗ май республикӑра ҫил-тӑман вӗҫтерӗ. Юр ҫӗрлех ҫума тытӑнӗ, кунӗпе те чарӑнмӗ. Уйрӑмах кӑнтӑрлаччен вӑйлӑ вӗҫтерӗ. Пӗр талӑкра Шупашкарта 5-10 сантиметр хулӑнӑш юр ҫуса лартма пултарӗ.

Ыран ҫул ҫинче хӳсе лартӗ, 500 метртан аяккарах курӑнмӗ, ҫавӑнпа водительсене асӑрхануллӑ пулма ыйтаҫҫӗ.

Тунтикун Ҫӗпӗр енчен сивӗ сывлӑш килме тытӑнӗ. Кун каҫа термометр 20 градус таран анӗ. Ҫил майӗпен лӑпланӗ, ытларикун 25 градус таран сивӗтӗ. Ҫитес эрнере сывлӑш температури ирсерен тата каҫсерен 30-35 градус таран анӗ. Ҫулсем пӑрлак пулӗҫ, вырӑнӑн-вырӑнӑн юр выртӗ.

#ҫанталӑк