«Улӑп» спорт керменӗ

Елчӗк районӗнчи «Улӑп» сывлӑхпа вӑй-хал культурин комплексӗнче «Ташлакан шкул» проекта пурнӑҫа кӗртес енӗпе фитнес-аэробика семинарӗ иртнӗ. Ӑна педагогика ӑслӑлӑхӗсен кандидачӗ, республикӑри спорт аэробикипе фитнес федерацийӗн президенчӗ О.Вербина ирттернӗ.

Семинара Чӑваш Тӑрӑмӗнчи, Тӗмерти, Шӑмалакри, Хӑвӑлҫырмари, Кӗҫӗн Таяпари, Кивӗ Эйпеҫри, Патреккелӗнчи, Ҫуткӳлӗнчи, Елчӗкри, Аслӑ Елчӗкри, Ҫирӗклӗ Шӑхалӗнчи, Курнавӑшри, Кушкӑри, Ҫӗнӗ Пӑвари вӑтам шкулсенчи, Елчӗкри ачасен ӳнер шкулӗнчи, «Илемпи», «Хӗвел» ача пахчисенчи специалистсем хутшӑннӑ. Семинарӑн тӗп тӗллевӗ — фитнес-аэробика вӗренӳ заведенийӗсенче ирттерекен вӑй-хал культурин урокӗсене явӑҫтармалли майсенчен пӗри. О.Вербина теори ыйтӑвӗсемсӗр пуҫне практика занятине те ирттернӗ. Занятисем иртнӗ хыҫҫӑн семинара хутшӑннисем сертификат, ҫавӑн пекех «Фитнес тата сывлӑх», «Маҫтӑр» фитнес-аэробикӑпа лекцисен курсӗ» вӗренӳ пособийӗсем, курмадисксем те илнӗ.

#спорт, #семинарсем, #Елчӗк районӗ, #Чӑваш Тӑрӑмӗ, #Тӗмер, #Шӑмалак, #Хӑвӑлҫырма, #Кӗҫӗн Таяпа, #Кивӗ Эйпеҫ, #Патреккел, #Ҫуткӳл, #Елчӗк, #Аслӑ Елчӗк, #Ҫирӗклӗ Шӑхаль, #Курнавӑш, #Кушкӑ, #Ҫӗнӗ Пӑва