Ӗнер, пуш уйӑхӗн 11-мӗшӗнче, Шупашкарта арҫын ҫӳллӗшӗнчен персе аннӑ. 78 ҫулти арҫын ҫурӑм шӑммине амантнӑ.

Ку пӑтӑрмах Мир проспектӗнчи 13-мӗш ҫуртра пулнӑ. Ватӑ арҫын хӑйӗн хваттерӗнчи балконран тухса ӳкнӗ. Ҫакна курнӑ ҫын каланӑ тӑрӑх, вӑл ӳсӗр пулнӑ. «Про Город» хаҫата халӑх корреспонденчӗ пӗлтернӗ ҫак хапара ЧР ШӖМӗ те ҫирӗплетнӗ.

Ҫӳллӗшӗнчен ӳкнӗ ватӑ арҫынна васкавлӑ медпулӑшу пульницине илсе ҫитернӗ. Тухтӑрсем ӑна тӗрӗсленӗ хыҫҫӑн ҫурӑм шӑмми хуҫӑлнине палӑртнӑ.

#пӑтӑрмахсем, #Шупашкар, #ШӖМ