Паян Чӑваш Енре вӑйлӑ ҫил-тӑвӑл алхаснине пула 12 район-хулара йывӑҫсене тӳнтерсе янӑ. Ҫут ҫанталӑкӑн усал вӑйӗ Шупашкар, Ҫӗнӗ Шупашкар, Канаш, Ҫӗмӗрле хулисенче, Ҫӗрпӳ, Сӗнтӗрвӑрри, Етӗрне, Муркаш, Пӑрачкав, Шупашкар, Тӑвай, Красноармейски районӗсенчи йывӑҫсем ӳкнӗ. Шупашкарта, Куславкка, Хӗрлӗ Чутай, Вӑрмар, Шӑмӑршӑ районӗсенче ҫутӑсӑр юлнӑ тӗслӗхсем пулнӑ. Вӗсенчен хӑшӗсенче инкеке сирме ӗлкӗрнӗ.

Вӑрмар районӗнчи Пысӑк Енкассинчи, Тӑвай районӗнчи Турикас Тушкил шкулӗсен, хӑш-пӗр районти уйрӑм ҫын ҫурчӗсен ҫивиттисене вӑйлӑ ҫил сӳтсе кайнӑ.

Инкек пирки Чӑваш Ен Элтеперӗ Михаил Игнатьев та пӗлет тесе хыпарлаҫҫӗ Чӑваш Енӗн Пуҫлӑхӗн Администрацийӗн пресс-службинче. Унтан та ытларах — яваплӑ службӑсене вӑл ҫине тӑрса ӗҫлеме чӗнсе каланӑ.

#Красноармейски районӗ, #Тӑвай районӗ, #Шупашкар районӗ, #Пӑрачкав районӗ, #инкексем, #ҫут ҫанталӑк, #Вӑрмар районӗ, #Пысӑк Енкасси, #Куславкка районӗ, #Хӗрлӗ Чутай районӗ, #Вӑрмар районӗ, #Шӑмӑршӑ районӗ, #Шупашкар, #Ҫӗнӗ Шупашкар, #Канаш, #Ҫӗмӗрле, #Ҫӗрпӳ районӗ, #Сӗнтӗрвӑрри районӗ, #Етӗрне районӗ, #Муркаш районӗ, #Турикас Тушкил, #шкулсем