Юпан 25-мӗшпе 31-мӗшӗсенче Чӑваш халӑх сайчӗ шкул ачисем хушшинче тетел ҫыхӑнӑвне усӑ курса «Тупмалли юмахсем–2» вӑйӑ-ӑмӑрту ирттерчӗ. Паян ӑна пӗтӗмлетме вӑхӑт ҫитрӗ.

Кӑҫалхи ӑмӑртӑва виҫӗмҫулхипе танлаштарсан ытларах хутшӑнчӗҫ. Хӑвӑр пӑхӑр: малтанхи вӑййа 1200 ытларах ҫырӑннӑ пулсан, хальхинче вара 2500 патнелле. Икӗ хут ытларах. Районсене пӑхас пулсан — Вӑрнар, Канаш, Вӑрмар, Елчӗк тата Элӗк районӗнчисем уйрӑмах хастаррӑн хутшӑнчӗҫ. Хӑш-пӗр районсенчен хутшӑнакансем вара ытла та сахал пулчӗҫ — Куславкка, Ҫӗмӗрле, Муркаш. Те вӗсем патне пӗлтерӳ ҫитеймен ӗнтӗ, те компьютер таврашӗпе вӗсем чуханрах. Тутарстанри ачасем те чылайччӗ — уйрӑмах Ҫӗпрел районӗнчен хутшӑнакан йышӗ пысӑкччӗ. Вӗсен шучӗ, сӑмахран, хӗрлӗчутайсенчен та ытларахччӗ. Аксу, Пӑва, Элкел, Теччӗ районӗсенчен те пулчӗҫ.

Мала тухнисем вара ҫаксем (миҫе нухран пухнине кунта пӑхӑр):

* Иванова Лина Сергеевна (Вӑрмар районӗ, Кавалти тӗп шкул, 14 ҫулта);

* Ерицов Евгений (Канаш районӗ, Шелттем тӗп шкулӗ, 14 ҫулта);

* Алексеева Любовь Владимировна (Канаш районӗ, Вӑтакас Кипеч шкулӗ, 9 ҫулта);

* Чернова Юля Вячеславовна (Канаш районӗ, Вӑтакас Кипеч шкулӗ, 9 ҫулта);

* Грачёва Ольга Евгеньевна (Канаш районӗ, Сиккасси шкулӗ, 14 ҫулта);

* Еврукова Ирина Николаевна (Канаш районӗ, Шелттем тӗп шкулӗ, 13 ҫулта);

* Ильина Диана Валерьевна (Канаш районӗ, Шелттем тӗп шкулӗ, 12 ҫулта);

* Павлова Наталия Юрьевна (Вӑрмар районӗ, Кавалти тӗп шкул, 14 ҫулта);

* Ефимова Наташа Алексеевна (Канаш районӗ, Вӑтакас Кипеч шкулӗ, 9 ҫулта);

* Андреева Настя (Сӗнтӗрвӑрри районӗ, Октябрьски шкулӗ, 16 ҫулта);

* Павлова Карина Викентьевна (Вӑрнар районӗ, Кӗҫӗн Кипек шкулӗ, 13 ҫулта);

* Максимова Татьяна Николаевна (Шупашкар, 20-мӗш шкул).

Хальлӗхе 12 ята асӑнтӑмӑр пулин те вӗсен вырӑнӗсене палӑртмарӑмӑр. Вырӑн тата парне илес тесен вӗсен tup@chuvash.org адреспа хӑйсем пирки пӗлтермелле — вӑрттӑн сӑмаха ҫырса ямалла, тата хушма информаци (килти адрес, карас телефонӗ, вӗсен ятне ҫирӗплетме пултаракан шкулти телефон). Ҫӳлерех вырнаҫнӑ хушаматсен вырӑн илес шанчӑк пысӑкрах — ҫӳлтисем пирӗнпе ҫыхӑнмасан ҫеҫ аяларахрисем вырӑн илме пултарӗҫ (ҫапах ан кулянӑр — ҫырӑр). Мала тухнӑ 50 хутшӑнакан ҫак ӑмӑртура миҫе нухрат пухни пирки ӗнентерӳ хучӗ илӗ. Электронлӑ вариантне tup@chuvash.org адреспа ҫырса ярса илме пулать. Хутне илес текенсен вара раштав уйӑхне кӗтме тивӗ.

Пуринчен те хурав илнӗ хыҫҫӑн вырӑнсене палӑртса тухӑпӑр. Н.И. Ашмарин словарӗ, ачасене кӑсӑклантарма пултаракан ытти тӗрлӗ-тӗрлӗ кӗнеке кама лекессине пӗлтерӗпӗр. Эсир ирӗк парсан — кашни шкула пӗр вырӑн уйӑрӑпӑр (хыравланӑ май пӗлтерӗр).

Вӑйӑ-ӑмӑрту вӗҫленчӗ. Хӑвӑр шухӑшӑр-кӑмӑлӑра пӗлтерсен аван пулӗччӗ — ҫак хыпар айне ҫырӑр.

#Сӗнтӗрвӑрри районӗ, #Елчӗк районӗ, #сайтсем, #ӑмӑртусем, #Канаш районӗ, #Вӑрмар районӗ, #Вӑрнар районӗ, #Тутарстан, #Ҫӗпрел районӗ, #Шупашкар, #Элӗк районӗ