Ку авари М-7 ҫул ҫинче 687-мӗш ҫухрӑмра авӑн уйӑхӗн 7-мӗшӗнче пулнӑ. Маршрутка ҫине йывӑр тиевлӗ урапа кӗрсе кайнӑ. Салонра водитель ҫеҫ пулнӑ. Вӑл чӗрӗ юлайман.

Халӗ ку лару-тӑрӑва уҫӑмлатаҫҫӗ. Анчах кун валли кӳнтеленсем, видео кирлӗ. Камӑн видеорегистратор ҫинче ку авари пур — шӑнкӑравлама ыйтаҫҫӗ: 8-937-010-24-79 — Юлия; 8-937-956-86-85 — Александр; 8-937-372-79-41 — Ирина; 8-937-393-03-07 — Андрей.

Ку аварире 53 ҫулти Евгений Ельмин вилнӗ. Вӑл Ҫӗрпӳ районӗнчи Нӗрӗш ялӗнче пурӑннӑ. 173-мӗш маршрутпа ҫӳрекен микроавтобусра 8 ҫул ӗҫленӗ. Вӑл — йӗркеллӗ водитель. Ҫакна пассажирсем те, ӗҫтешӗсем те палӑртаҫҫӗ.

Ҫав кун Евгений ӗҫрен киле таврӑннӑ. Тӑванӗсем халӗ тӗрӗслӗх шыраҫҫӗ.

#пӑтӑрмахсем, #Ҫӗрпӳ районӗ, #Нӗрӗш, #ҫул-йӗр