Кӑҫал Республика кунӗн уявӗ уйрӑмах чаплӑ иртмелле — Чӑваш патшалӑхне (республика тени патшалӑха пӗлтерет) туса хунӑранпа 90 ҫул ҫитет. Йӑлана кӗнӗ тӑрӑх кашни ҫул Республика кунне пӗр-пӗр районта ирттереҫҫӗ. Кӑҫал черет Патӑрьел районне ҫитнӗ.

Районти уяв программи:

Ҫӗртмен 24-мӗшӗ

9:00-17:00. Патӑрьел районӗн уҫӑ спорт уявӗ. Курма пырсан эстафета, кӗрешӳ, кире пуканӗ тата штанга йӑтассин ӑмӑртӑвӗсемпе, армспортпа паллашма пулӗ. Ӑмӑртусем «Хӗвеллӗ» уҫланкӑра тата ипподромра иртӗҫ.

10:00-10:15. Патӑрьелти пӗтӗмӗшле вӑтам пӗлӳ паракан 1-мӗш шкул умӗнче вӗрентекен палӑкне уҫни.

10:00-14:00. «Тӗлӗнтермӗш-ярмӑркка» уҫни. Патӑрьел районӗнчи алӗҫ ӑстисен ӗҫӗсемпе «Хӗвеллӗ» уҫланкӑра паллашма пулӗ.

10:00-14:00. «Тӳпене ҫитерекен ӗмӗт». Вӗҫекен ҫӗленсен уявӗ. Комаров урамри ҫӳранҫӳрекенсен лаптӑкӗ.

10:00-17:00. Пӗтӗм чӑвашсен ҫуллахи ял спорт вӑййисем. Патӑрьелти тӗп стадионта курма пулӗ.

10:00-15:00. «Хаваслӑ вӑйӑсен кунӗ». Вӗрентекен ҫулталӑкне халалланӑ районти ача-пӑча уявӗ. Патӑрьелти тӗп тӳремре иртӗ.

10:15-10:30. Патӑрьелте 24 тата 15 хватерлӗ икӗ ҫурта хута ярасси (Ленин урамӗнчи 31 тата 35№№ ҫуртсем).

10:30-11:00. Патӑрьелти стадиона хута ярасси.

11:00-11:30. «Раҫҫейялхуҫабанк» АУП-ӗн Патӑрьелти хушма умрӑмӗн ҫуртне хута ярасси.

11:00-16:00. «Паянхи агроинновацисем». ЯХК предприятисенче усӑ куракан хальхи технологисен куравӗ. «Хӗвеллӗ» уҫланкӑра паллашма пулӗ.

11:00-17:00. Вӑйӑсемпе аттракционсем. «Хӗвеллӗ» уҫланкӑра канма пулӗ.

11:30-12:00. Чӑваш Енӗн юрӑпа ташӑ патшалӑх ансамблӗн концерчӗ. «Хӗвеллӗ» уҫланкӑра.

12:00-14:00. «Юратнӑ тӑван кӗтесӗм». Ача-пӑчасен асфальт ҫинчи ӳкерчӗксен ӑмӑртӑвӗ. «Паттӑр» ФСК умӗнчи лаптӑкра иртӗ.

12:00-13:00. Патӑрьел районӗнчи Республика кунне театрласа чаплӑн уҫни. «Хӗвеллӗ» уҫланкӑра уҫӗҫ.

13:00-16:00. Пӗтӗм Раҫҫейри халӑх пултарулӑхӗн «Раҫҫей ҫӑлкуҫӗсем» XVIII фестивалье хутшӑнакан ушкӑнсен гала-концерчӗ. Вӗсен юррисене «Хӗвеллӗ» уҫланкӑра илтме май пулӗ.

15:00-17:00. «Ман кил умӗнчи кӗвӗ». Гитарӑпа вылякансен фестивалӗ. Культура паркӗнче иртӗ.

17:00-19:00. «Сӗршывӑм манӑн Чӑваш Ен» Уҫӑ сывлӑшра ирттернӗ киносеанс. Чӑваш Енпе Патӑрьел районӗсем епле йӗркеленнине сӑнлакан документлӑ фильмсем кӑтартӗҫ. Культура паркӗнче иртӗ.

19:30-20:30. «Ылтӑн сасӑ». Чӑваш эстрада ҫӑлтӑрӗсен уяв концерчӗ. «Билайн» патнесем выляттарӗ. Патӑрьелӗн тӗп тӳремӗнче иртӗ.

20:30-21:30. «Авалхи сас» кӗвӗ программи. Патӑрьелӗн тӗп тӳремӗнче итлеетӗр.

21:30-23:00. Раҫҫей эстрадин «Рефлекс» ушкӑнӑн концерчӗ тата дискотеки. Патӑрьелӗн тӗп тӳремӗнче иртӗ.

23:00. Уяв салючӗ. Патӑрьелӗн тӗп тӳремӗнче иртӗ.

23:00-01:00. «Билайн» компани хатӗрленӗ дискотека. Патӑрьелӗн тӗп тӳремӗнче иртӗ.

Патӑрьелсем! Республикӑра пурӑнакансем! Чӑваш Ен хӑнисем! Сире пурне те уява чӗнетпӗр!

#Республика кунӗ, #Патӑрьел районӗ, #уявсем, #Патарьел, #спорт