Хыпарсем: спектакльсеМ

РАШ

«Хупах хӑлхаллӑ Илюк» спектакль премьерине чӗнетпӗр!
■ Аçтахар Плотников | 16.12.2008 15:06 |

#спектакльсем, #Чӑваш патшалӑх пукане театрӗ

Ыран, раштавӑн 17-мӗшӗнче, Чӑваш патшалӑх пукане театрӗнче Ева Лисина повеҫӗ тӑрӑх лартнӑ «Хупах хӑлхаллӑ Илюк» моноспектакль премьери пулӗ. Тӗп роле выляканӗ Чӑваш Енӗн тава тивӗҫлӗ артисчӗ Юрий Филиппов. Вӑлах ку спектакле лартаканӗ те. Ӳнерҫӗ — Чӑваш Енӗн тава тивӗҫлӗ художникӗ Анатолий Розов, кӗвӗпе илемлетекен Чӑваш Енӗн тава тивӗҫлӗ ӳнер ӗҫченӗ Андрей Галкин. Спектакль 10 сехетре пуҫланать.

Кӗҫнерникун сире тепӗр ҫӗн спектакль кӗтет — «Атӑлҫи Пӑлхарӗсем». Ӑна И. Петровӑн «Телейпе Илем» хайлавӗ тӑрӑх лартнӑ. Спектакльти тӗп вырӑн — Атӑлҫи Пӑлхарта IX-X ӗмӗрте пулса иртекен ӗҫсем. Спектакле лартаканӗ — Чӑваш Енӗн тава тивӗҫлӗ артисчӗ Юрий Филиппов, ӳнерҫи — Чӑваш Енӗн тава тивӗҫлӗ художникӗ Анатолий Розов. Кӗввине Чӑваш Енӗн тава тивӗҫлӗ ӳнер ӗҫченӗ Андрей Галкин. Ку спектакль 13 сехетре пуҫланӗ.

Хыпар ҫӑлкуҫӗ

РАШ

Кунерте спектакльсем иртеҫҫӗ
■ Аçтахар Плотников | 19.12.2007 21:46 |

#Кунер, #Куславкка районӗ, #спектакльсем, #театр, #К.В. Иванов ячӗллӗ Чӑваш патшалӑх академи драма театрӗ

Кунерти ялӗнчи культура ҫуртне ҫенетсе юсанӑ хыҫҫӑн ҫын чунӗ кӗме пуҫланӑ: халӗ кунта тӗрлӗ мероприятисем пуҫсӑр конкурссем те, КВНсем те, чӑваш эстрада ҫӑлтӑрӗсен концерчӗсем те иртеҫҫӗ.

Акӑ, нумай пулмасть, иртнӗ шӑматкун, раштавӑн 15-мӗшӗнче, ял ти культура ҫуртӗнче ятарласа Шупашкартан килнӗ Чӑваш патшалӑх академи драма театрӗн «Юратсан юрлас килет» ятлӑ спектаклӗ иртрӗ.

Куракансене спектакль питӗ килӗшрӗ, уйрӑмах Надежда Зубковӑпа Виталий Карпов вылянӑ тӗп сӑнарсем ҫынсене килӗшрӗҫ. Ҫавӑн пекех Любовь Фёдорова выляни те Кунер халӑхне кӑмӑла кайрӗ.

Спектакль вӗҫленнӗ хыҫҫӑн артистсем хӑйсене ӑшшӑн кӗтсе илнӗшӗн Кунер халӑхне тав турӗҫ, тепӗр хут килме сӑмах пачӗҫ.

Сӑмах май, ку спектакле эсир шӑматкун, раштавӑн 22-мӗшӗнче Шупашкарта курма пултаратӑр. Спектакле Чӑваш академи драма театрӗнче лартӗҫ. Пуҫламӑшӗ 18 сехет ҫурӑра.

Хыпар ҫӑлкуҫӗ

АКА

«Ӑнсӑртран авлансан» спектакль премьери.
■ Аçтахар Плотников | 05.04.2007 18:41 |

#премьерӑсем, #спектакльсем, #Шупашкар, #Чӑаш патшалах академи драма театрӗ

Паян, ака уйӑхӗн 5-мӗшӗнче, Чӑваш патшалӑх академи драма театрӗнче В.Катаев ҫырнӑ «Ӑнсӑртран авлансан» (Квадратура круга) спектакль премьери пулӗ. Режиссёрӗ — Александра Федина (вӑл паллӑ вырӑс режисёрӗн, Раҫҫей халӑх артисчӗн, Леонид Хейфецӑн веренекенӗ).

Спектакльти рольсене театрӑн ҫӑмрӑк артисчӗсем выляҫҫӗ. Ҫавӑн пекех Геннадий Большакова, Владимир Семёнова, Светлана Андреевӑна курма пулать.

Хыпар ҫӑлкуҫӗ

Страницӑсем: 1 ... 42, 43, 44, 45, 46, 47, 48, 49, 50, 51, [52]