Сайта кӗр | Регистраци | Сайта кӗрсен унпа туллин усӑ курма пулӗ
 +15.3 °C
Ҫӑхан куҫне ҫӑхан сӑхмасть.
[ваттисен сӑмахӗ: 2523]
 

Хыпарсем: савутсем

Республикӑра

Чӑваш Енре промышленноҫ туризмне аталантарма пуҫлӗҫ. Кун пирки республикӑн экономика аталанӑвӗн тата пурлӑх хутшӑнӑвӗсен министрӗ Дмитрий Краснов Инстаграмра пӗлтернӗ.

Пилотлӑ проекта Раҫҫейӗн Промышленность тата суту-илӳ министерствипе «Стратегилле пуҫарусен агентстви» автономилле коммерци мар организаци пуҫарнӑ.

Промышленность туризмӗ тени туристсене производствӑсемпе палалштармалли экскурсисем йӗркелессине пӗлтерет. Сӑмах май каласан, хӑш-пӗр ҫӗрте ун пек экскурсисем халех йӗркелеҫҫӗ. Тӗслӗхрен, Кузбасра.

Промышленность туризмне аталантарссипе раштав уйӑхӗн 3-мӗшӗнче пирӗн тӑрӑхра канашлу иртмелле. Проекта хальлӗхе «Букет Чувашии», «АККОНД», «Промтрактор», «ЭКРА», «Ҫеҫпӗл» предприятисем, Шупашкарти пӑрӑх савучӗ, «Петровский» ҫӑкӑр савучӗ кӗнӗ.

 

Республикӑра
cap.ru сӑнӳкерчӗкӗ
cap.ru сӑнӳкерчӗкӗ

Чӑваш Енре дезинфекци тӑвакан кабинӑсем кӑларма тытӑннӑ. Ку ӗҫе Шупашкарти автокомпонентсен савучӗ пурнӑҫлать.

Хальлӗхе предприяти продукцие сӑнамашкӑн ҫеҫ кӑларнӑ. Кабинӑра пушмака, алла, тумтире дезинфекци тӑвакан хатӗрсем пур. Ҫавӑн пекех унта ӳт температурине виҫме пулать.

Кабинӑн темиҫе модификацине хатӗрленӗ. Пӗрисенче, тӗслӗхрен, пите паллакан видеокамера пур.

Сӑмах май, пӗр уйӑх каялла кунашкал кабинӑна Шупашкарта Тӗп пасарта вырнаҫтарнӑ. Кунашкал продукцие Самара ӑсатнӑ, Тутарстана яма та саккас пур.

 

Республикӑра

Ӗнер Чӑваш Ене Раҫҫей премьер-министрӗ Михаил Мишустин килсе кайрӗ. Пӗччен мар. Унпа пӗрле Раҫҫей министрӗсем те пулнӑ. Мускавран килнӗ тӳре-шара Шупашкарта икӗ ҫӗре: Чапаев ячӗллӗ савута тата «Текстильмаш» предприятие – ҫитсе курнӑ.

«Правда ПФО» тӗнче тетелӗнчи хаҫатра ҫырнӑ тӑрӑх, Мишустин премьер-министр предприятисенче вӑрах тӑман. Протокол тӑрӑх, Чапаев ячӗллӗ савутра ун коллективпа калаҫмалла пулнӑ. Цехри «Ахаль рабочисем» тесе суйланисем рабочисем пулни иккӗленӳллӗ. Вӗсем унччен республикӑн Информаци политикин министерствинче, Стройминӗнче тата ытти ведомствӑра ӗҫленӗ-мӗн. Вӗсем савутра тӑрӑшаҫҫӗ-ха. Анчах рабочи пулса тар тӑкни иккӗленӳллӗ. Андрей Иванов журналист, сӑмахран, министр ҫумӗ пулса тӑрӑшнӑ Сергей Безрукова та «рабочисен йышӗнче» курнӑ.

 

Политика
moscow.sm-news.ru сайтри сӑн
moscow.sm-news.ru сайтри сӑн

Авӑн уйӑхӗн 29-мӗшӗнче Чӑваш Ене РФ премьер-министрӗ Михаил Мишустин килме палӑртнӑ. Тӳрех каламалла: премьер-министр ку статуса йышӑннӑранпа пирӗн патра пулман.

Малтанлӑха пӗлтернӗ тӑрӑх, Михаил Мишустина социаллӑ экономика аталанӑвӗн комплекслӑ программипе паллаштарӗҫ. Хальлӗхе прмьер-министр республикӑри хӑш вырӑна ҫитессине татӑклӑн калама ҫук, мӗншӗн тесен программа улшӑнсах тӑрать. Малтан ӑна И.Н.Ульянов ячӗллӗ ЧРУна, Индустри паркне кӑтартма палӑртнӑ, кайран ку шухӑша пӑрахӑҫланӑ.

Хальлӗхе программа ҫапларах: Михаил Мишустин В.И.Чапаев ячӗллӗ савутра тата «Текстильмашра» пулӗ.

 

Республикӑра
"На связи" форумри сӑн
"На связи" форумри сӑн

Сӗнтӗрвӑрри районӗнче хӗвел ҫаврӑнӑш вӑррин хуппин купине тупнӑ. Ку Нерятӑв ялӗ ҫывӑхӗнче.

Ку купа ӑҫтан тупӑннӑ? Вырӑнти халӑх акӑ мӗнле шухӑшлать: Сӗнтӗрвӑрринчи спирт савучӗ пулнӑ ҫурт ҫумӗнче тип ҫу туса кӑлараҫҫӗ.

Нерятӑв ялӗ ҫывӑхӗнчи ҫак купана «Ҫыхӑнура» форума пӑхса тӑракан пӗр ҫын асӑрханӑ. Вӑлах сӑн ӳкерсе форума ярса панӑ.

Ҫынсем ҫакна тӗрлӗрен хакланӑ. Пӗрисем кунта ним япӑххине те курмаҫҫӗ: вӑл ҫӗрет, тӑпрашӑн лайӑх им-ҫам шутланать. Теприсем вара сивленӗ: хать мӗнле пулсан та ун пек хӑтланма юрамасть.

 

Пӑтӑрмахсем

Етӗрнери спирт савучӗ «100 лет Чебоксарская водка» ятпа шурӑ эрех кӑларни, ҫакӑ конкуренцие хӳтӗлесси ҫинчен калакан федераци саккунне пӑснине Чӑваш халӑх сайчӗ /news/23729.htmlпӗлтернӗччӗ.Хӑйсен ячӗллӗ эрех кӑларнине Шупашкарти ликерпа водка савучӗ асӑрханӑ. Ҫавӑн хыҫҫӑн вӑл Федерацин монополипе кӗрешекен службин Чӑваш Енри управленине евитленӗ.

Надзор ведомстви Етӗрнери спирт савутне 1 миллион та 327 пин те 691 тенкӗ те 4 пуслӑх штрафлама йышӑннӑ.

Монополипе кӗрешекенсем ӗҫе тӗпчеме тытӑнсан 2019 ҫулхи авӑн уйӑхӗнче Етӗрнери савут «100 лет Чебоксарская» ятлӑ эрех кӑларма пӑрахнӑ. Апла пулин те ӑна 1,3 миллион тенкӗлӗх штрафланӑ.

Хыпар ҫӑлкуҫӗ: https://chuvashia.fas.gov.ru/news/17119
 

Хулара
Владимир Михайлов тунӑ сӑн
Владимир Михайлов тунӑ сӑн

Шупашкарта кӑнтӑр хӗвеланӑҫ районӗнче вырнаҫнӑ ҫӑкӑр савутӗнче пушар тухнӑ. Инкеклӗ лару-тӑру министерстви пӗлтернӗ тӑрӑх, ҫулӑм производство корпусӗнче пулнӑ.

Ку ҫӗртме уйӑхӗн 24-мӗшӗнче 17 сехетре пулнӑ. Ҫулӑм япаласемпе материалсем хӑйсем тӗллӗн хыпса илнӗрен тухнӑ. Пушар нумаях алхасман – ӑна 10 минутран сӳнтернӗ.

Сӑмах май, Шупашкар районӗнчи Хыркассинче те ҫав каҫ перчетке кӑларакан предприятире ҫулӑм тухнӑ.

 

Хулара
forum.na-svyazi.ru сайтран илнӗ сӑнӳкерчӗк
forum.na-svyazi.ru сайтран илнӗ сӑнӳкерчӗк

Ҫӑва тухсан Шупашкарти «Элара» савут умне жираф тухса тӑраканччӗ. Паллах, чӗрри мар, унӑн кӳлепи ҫеҫ.

Жираф хӑйӗн вырӑнне ҫак кунсенче таврӑннӑ. Анчах хальхинче вӑл, республикӑри эпидемиологи лару-тӑрӑвне шута илсе, медицина маски тӑхӑннӑ.

Кӑҫал Шупашкарти ытти палӑка та маска тӑхӑнтартнӑ. Тӗслӗхрен, кӳлмекре тӑракан арҫын кӳлеписем те ҫавнашкалах курӑннӑ. Ҫынсем медицина маскине курсан вӗсен ҫумӗнче хаваспах сӑн ӳкерӗннӗ.

Сӑмах май, паян тепӗр 80 ҫын кӑшӑлвируспа чирлине палӑртнӑ. 100 ҫын сывалнӑ. Пӗтӗмпе 3475 ҫын инфекциленнӗ, вӗсенчен 1625-шӗ чире парӑнтарнӑ. 16 ҫын вилнӗ.

 

Экономика
ideputat.er.ru сайтри сӑн
ideputat.er.ru сайтри сӑн

ЧР Элтеперӗн тивӗҫӗсене вӑхӑтлӑх пурнӑҫлакан Олег Николаев каланӑ тӑрӑх, социаллӑ экономика аталанӑвӗн программине пурнӑҫламашкӑн Чӑваш Ене ҫитес тӑватӑ ҫулта 5 миллиард тенкӗ килӗ.

Палӑртмалла: ку программӑна Чӑваш Ен Правительстви ӗнер, ака уйӑхӗн 8-мӗшӗнче, ҫирӗплетнӗ. Уйӑрнӑ 5 миллиард тенкӗпе мӗн тӑвӗҫ-ха? Чи малтанах ҫӗнӗ савутсем хута ярӗҫ, ҫапла майпа ҫынсем валли ӗҫ вырӑнӗсем пулӗҫ.

Ку кӑна мар, ҫак программӑна ӑнӑҫлӑ пурнӑҫласан Чӑваш Ене тата тепӗр 5 миллиард тенкӗ килӗ.

 

Республикӑра

Чӑваш Ен Элтеперӗн тивӗҫӗсене вӑхӑтлӑх пурнӑҫлакан Олег Николаев республикӑмӑр ҫыннисен ыйтӑвӗсене «Контактра» халӑх ушкӑнӗнчи хӑйӗн страницинче уҫӑмлатнине пӗлтернӗччӗ. Ку вӑл, аса илтерер, эрнекун пулнӑччӗ. Онлайн-калаҫу пӗр сехете тӑсӑлнӑччӗ.

Тӳре эфирта ыйту паракансем Китай укҫи-тенкипе Чӑвашра савут тӑвас пирки те сӑмах хускатнӑ. Ку проекта хирӗҫ пулнӑран пӗлтӗр Муркаш, Ҫӗрпӳ тата Шупашкар районӗсенче пурӑнакансем хытах шавланӑччӗ. Ҫавӑнпах та ӗнтӗ савута тумалли вырӑна пӗр районтан тепӗр ҫӗре куҫарчӗҫ. Анчах ниҫта та халӑх хапӑл тунине палӑртмарӗ.

Олег Николаев савута тӑвас ыйтӑва татса париччен халӑх шухӑшне шута илме шантарнӑ.

«Пӗр енчен, инвестици хывни аван пек, ҫав вӑхӑтрах инвестици проекчӗсене кирлӗ пек йӗркелемесӗр, халӑхпа анлӑн сӳтсе явмасӑр пурнӑҫлани нумай ыйту, сӑмах-юмах ҫуратать», — тенӗ вӑл.

Олег Николаев проектпа ҫыхӑннӑ мӗнпур ыйтӑва тишкерме шантарнӑ, кайран ҫеҫ вӑл е ку йышӑнӑва тума пулать тенӗ.

Олег Алексеевич кӑларнӑ тӑрӑх, проект республикӑшӑн усӑллӑ пулсан ҫеҫ ӑна пурнӑҫа кӗртме юранине каланӑ. Ҫав вӑхӑтрах халӑх шухӑшне шута илӗҫ.

Малалла...

 

Страницӑсем: 1, 2, 3, 4, [5], 6, 7, 8, 9, 10, 11, 12, 13, 14, 15, ... 19
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (24.08.2025 03:00) тӗтреллӗ ҫанталӑк, атмосфера пусӑмӗ 742 - 744 мм, 15 - 17 градус ӑшӑ пулӗ, ҫил 0-2 м/ҫ хӑвӑртлӑхпа ҫурҫӗр-хӗвелтухӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Тен, ку эрнере пессимистла кӑмӑл пулӗ. Ҫынсем халӗ сире хирӗҫ, ҫавӑнпа кӑмӑла кайман ҫынсемпе хутшӑнма ан тӑрӑшӑр. Тарӑхмалла мар, тӗнчери пулӑмсенчен аякра пулмалла. Хыпарсем ан пӑхӑр, тӗнче тетелӗнче те вӗсене ан пӑхӑр. Хурлӑхлӑ хыпар курас хӑрушлӑх пур.

Ҫурла, 24

1919
106
Паасонен Хайкки, финн-угр чӗлхисен паллӑ тӗпчевҫи, фольклорист тата этнограф вилнӗ.
1993
32
Каховский Василий Филиппович, паллӑ археолог ҫут тӗнчерен уйрӑлса кайнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫин ҫитӗннӗ ачисем
хуҫа арӑмӗ
пӗтӗм кил-йышпа тухаҫҫӗ
хуҫа тарҫи
кил-йышри арҫын
хуҫа хӑй
хуть те кам тухсан та
хӑни ҫулне ахаль те пӗлет, ӑсатмасӑр та
ӑсатма тухни — ҫылӑх, юрамасть
хӑнана ӑсатма никам та тухмасть