Улатӑрта ҫуралса ӳснӗ Михаил Гудошников ҫӗршывра паллӑ ҫын пулса тӑнӑ. 34 ҫулта кӑна вӑл, 41 фильмра ӳкерӗнме ӗлкӗрнӗ ӗнтӗ. Ҫавӑн пекех вӑл Мускаври никама пӑхӑнман театрта вылять.
Михаил Улатӑрта 1990 ҫулта ҫуралнӑ, унти 11-мӗш шкулта вӗреннӗ. Шкул хыҫҫӑн Чӗмпӗрти патшалӑх университетне «театр тата кинон драма артисчӗ» специальноҫпе вӗреннӗ. Унтан вӑл Мускава куҫса кайнӑ, киносенче, сериалсенче ӳкерӗнме тытӑннӑ. Михаил «Интерны» Полинӑн каччи), «След», «Прокурорская проверка», «Универ. Новая общага» (Кристинӑн каччи), «Анатомия убийства-3», фильмы «Временно недоступен», «Горячая точка», «Ловушка для королевы», «Калашников», «Три девицы» тата ытти фильмра ӳкерӗннӗ.
Ҫӗнӗ Шупашкарта ҫуралнӑ, Раҫҫейри паллӑ актер пулса тӑнӑ ентеше ЧР Элтеперӗ ЧР тава тивӗҫлӗ артисчӗн ятне панӑ. Сӑмах — Анатолий Гущин пирки. Хушӑва ҫурлан 16-мӗшӗнче алӑ пуснӑ.
47-ри актер халӗ Мускавра пурӑнать. Хӑй вӑхӑтӗнче вӑл спутник хулари 10-мӗш шкулта вӗреннӗ, унтан Мускаври Щепкин ячӗллӗ аслӑ театр училищине кӗнӗ. Нумайӑшӗ ӑна 8 сериллӗ «Приключения солдата Ивана Чонкина» камит фильмӗ тӑрӑх пӗлет. Вӑл унта пӗр кадрта чӑвашла та юрлать.
Ҫеҫпӗл Мишши ячӗллӗ Чӑваш патшалӑх ҫамрӑксен театрӗ Иосиф Дмитриев-Трера асра тытать. Паян, ҫӗртме уйӑхӗн 27-мӗшӗнче, 13 сехетре театрта «Иосиф Трер. Учитель – друг, наставник, вдохновитель» (чӑв. Иосиф Трер. Учитель — юлташ, вӗрентекен, хавхалантаркан) проектпа килӗшӳллӗн «Наследие. История чувашского театрального искусства и кинематографа» (чӑв. Эткерлӗх. Чӑваш театр ӳнерӗпе кинематографин историйӗ) лекци иртӗ.
Паллӑ актёр, режиссёр, театр педагогӗ, поэт, фольклор куҫаруҫи, этнотеатровед Иосиф Дмитриев пурӑннӑ пулсан паян 77 ҫул тултаратчӗ. Унӑн пурнӑҫ усал чире пула татӑлчӗ.
Лекцие кирек кам та кайса итлесе ларма пултарать. Унта тӳлевсӗр кӗртӗҫ.
Ҫӗнӗ Шупашкарти актёр ӳкерӗннӗ кинона ТНТ каналпа кӑтартӗҫ. Асӑннӑ сериал «Ткачёвы на связи» ятлӑ. Унта Ҫӗнӗ Шупашкарти Анатолий Гущин ӳкерӗннӗ. Каччӑ 17-ре тӑван хулинчен Мускава тухса кайнӑ. Вӑл унти М.С. Щепкин ячӗллӗ театр училищине вӗренме кӗнӗ.
Актёр тӑван тӑрӑхне ырӑпа аса илет иккен: «Ҫӗнӗ Шупашкарта юратнӑ вырӑнсем нумай. Эпӗ Гидростроительсен бульварӗнче пурӑннӑ, вӑл района Гидра тетчӗҫ. Унсӑр пуҫне пирӗн илемлӗ хурӑнлӑх пур. Унта хӗлле йӗлтӗрпе ярӑнма, уҫӑлса ҫӳреме, уҫӑ сывлӑшпа сывлама аван. Ҫветтуй Владимир кнеҫ чиркӗвӗ те илемлӗ. Ҫулла эпир вӑхӑта Атӑл хӗрринче ирттернӗ. ГЭС патӗнче пулӑ тытнӑ. Пӗр сӑмахпа каласан, эпир хаваслӑ пурӑннӑ!» — тенӗ Анатолий Гущин.
Ӗнер, ҫӗртме уйӑхӗн 27-мӗшӗнче, чӑваш поэчӗ, публицисчӗ, куҫаруҫи, драматургӗ, театр режиссерӗ, актерӗ, музыка критикӗ, преподаватель, этнотеатровед, Иосиф Дмитриев (Трер), ҫуралнӑранпа 75 ҫул ҫитрӗ.
Пултаруллӑ чӑваш арӗ кирек ӑҫта ӗҫлесен те хӑйӗн йӗрне хӑварнӑ. Вӑл Чӑваш патшалӑх академи драма театрӗнче, Шупашкарти музыка училищинче актёр уйрӑмӗн заведующийӗнче, Чӑваш патшалӑх гуманитари ӑслӑлӑхӗсен институтӗнчи искусствоведени пайӗнче ӑслӑлӑх ӗҫченӗнче, Казахстанри Вырӑс драма театрӗнче режиссёрта тӑрӑшнӑ. Юлашки ҫулсенче Чӑваш патшалӑх ҫамрӑксен театрӗнче вӑй хучӗ.
Ҫак тӗнчерен Иосиф Трер 2018 ҫулхи чӳк уйӑхӗн 20-мӗшӗнче уйрӑлса кайрӗ.
Чӑваш Енре «Тӑван ятсем» проект малалла аталанать. Унӑн йӗркелӳҫисем паллӑ ентешӗмӗрсемпе ҫывӑхрах паллашма пулӑшаҫҫӗ.
Чӑваш Енӗн телерадиокомпанийӗ пӗдлтернӗ тӑх, асӑннӑ проект йӗркелӳҫисем Шупашкарти 1-мӗш гимназинче ӑс пухакансемпе тӗл пулнӑ, чӑвагсен пӗрремӗш актрисин Тани Юнӑн пултарулӑхӗпе, унӑн кун-ҫулӗпе паллаштарнӑ.
Етрӗне районӗнче ҫуралса ӳснӗ Тани Юн «Сарпике», «Хура Юпа», «Апайка» кинофильмсенче ӳкерӗннӗ. Вӑл кинокартинӑсене Америкӑра, Египетра, Германире кӑтартнӑ.
Тани Юн мӑшӑрӗ — Чӑвашкиностудие йӗркеленӗ Иоаким Максимов-Кошкинский.
Раҫҫейри паллӑ актер Михаил Ефремов суд пулнӑ хыҫҫӑн айӑплава Чӑваш Енри колонире татасси пирки пӗлтернӗччӗ. Аса илтерер: актер руль умне ӳсӗр ларса аварие лекнӗ, ӑна пула тепӗр водитель вилнӗ.
Михаил Ефремов шухӑшне улӑштарнӑ. Вӑл Чӑваш Енри колоние килесшӗн мар, Мускаври 5-мӗш колонирех ларасшӑн. Унччен, авӑн уйӑхӗнче, вӑл чӑвашсен Ҫуттакӑларуҫин Иван Яковлевӑн тӑванӗ тесе Чӑваш Енри колоние каяс килнине пӗлтернӗччӗ.
«Вакунсем питӗ сивӗ, тӗрлӗ пунктра стоянка вӑраха тӑсӑлать», - ҫапла пӗлтернӗ актерӑн ваккачӗ. Михаил Ефремовӑн сывлӑхӗ хавшакрах-мӗн, ҫавӑнпа сивӗ вӑхӑтра ҫула тухма шикленет.
Раҫҫейри паллӑ актера Михаил Ефремова Мускаври аваришӗн 8 ҫуллӑха айӑпланӑ. Аса илтерер: вӑл руль умне ӳсӗр ларса машинӑпа ҫапӑннӑ, тепӗр водитель вилнӗ.
Михаил Ефремов айӑпне Чӑваш Енри колонире каҫарттарасшӑн пулнине пӗлтернӗ. «Унта – манӑн тымар. Иван Яковлев Ленин ашшӗн пулӑшуҫи пулнӑ», — тенӗ вӑл. Михаил Ефремов – Иван Яковлевӑн тӑванӗ.
Актер каланӑ тӑрӑх, Чӑваш Енри ФСИН ӗҫченӗсем ыйту ҫыраҫҫӗ. Михаил Ефремовӑн – икӗ вакат, анчах вӗсен ячӗсене вӑл пӗлтермен. Пӗри – Чӑваш Енрен.
«Вечерняя Москва» хаҫатра Михаил Ефремов актерпа интервью пичетленнӗ. Унта вӑл тем пирки те хуравланӑ. Ҫав шутра чӑвашран тухни ҫинчен те.
«Миҫере чухне Миша Ефремов хӑй вырӑс маррине пӗлнӗ?» — ыйтнӑ унран журналист.
«Эп хама вырӑс тесе нихӑҫан та питех шухӑшламан. Эп хама ҫын тесе шухӑшланӑ. Эп хам чӑваш пулнине 11 ҫула ҫитиччен пӗлнӗ», — хуравланӑ актер.
Хӑйне журналист мӑкшӑ-ирҫе йӑхӗнчен те тесен Михаил Ефремов ашшӗ енчен тесе уҫӑмлатнӑ. «Анне енӗпе — чӑваш. Унран та ытларах, Библие чӑвашла куҫарнӑ Иван Яковлев йӑхӗнчен. Вӑл Илья Ульяновӑн, Ленин ашшӗн, ҫумӗ пулнӑ. Ку вӑл пирӗн ҫемье мӑнаҫлӑхӗ», — тивӗҫлипе хуравланӑ актер.
Эсир чӑвашсем еплерех, чӑваш маррисенчен мӗнпе уйрӑлса тӑратӑр ыйту хуравӗпе те паллашма кӑсӑклӑ. «Ну, пӗрремӗшӗнчен, эпир тӗне кӗнӗ. Иккӗмӗшӗнчен, эпир пысӑк пит ҫӑмартиллӗ. Виҫҫӗмӗшӗнчен, эпир ырӑ. Пӗтӗмӗшле, эпир чи лайӑххисем», — ҫирӗппӗн хуравланӑ актер.
Паян Шупашкара СССР халӑх артисчӗ, Ленин премийӗн лауреачӗ Василий Лановой килнӗ. Республикӑн тӗп хулинчи «Салют» культура керменӗнче вӑл 16 сехетре куракансем валли моноспектакль лартнӑ.
Евгений Вахтангов ячӗллӗ тӑван театрӗнче вылякан 85 ҫулти артиста Чӑваш Енӗн тӗп хулине кӑтартса ҫӳренӗ. Вӑл «Ҫӗнтерӳ« асӑну комплексӗнчи Нихҫан сӳнми ҫулӑм умне чечек хунӑ. Унта ҫав самантра, сӑмах май, Атӑл тӑрӑх теплоходпа курса ҫӳрекен туристсем пулнӑ. Халӑх юратакан артиста асӑрхасан вӗсем алӑ ҫупса янӑ. Кун пирки Надежда Смирнова журналист пӗлтернӗ.
Шупашкарта Василий Лановойпа СССР СССР халӑх артисчӗсем Вера Кузьмина тата Валерий Яковлев тӗл пулнӑ. Мускаври артист чӑвашсем иртнине хисепленине, палӑксем тирпейлӗ те тасине палӑртнӑ.
+6.3 °C