ЧР Элтеперӗн администрацийӗ "Чӑваш Республикин Элтеперӗнчен" тесе ҫырнӑ 555 сехет туянасшӑн (ку сӑмахсене унта вырӑсла ҫырӗҫ). Кун валли 1 миллион та 568,6 пин тенкӗ уйӑрма хатӗр. Ҫавна май электрон аукцион иртет.
Администраци арҫынсем валли - 25, хӗрарӑмсем валли 20 сехет туянасшӑн. Кусем - 11,3 пин тенкӗ тӑраканнисем. Теприсем 2 пин тенкӗллисем пулӗҫ: арҫынсен - 310, хӗрарӑмсен 200 сехет.
Чӑваш Енӗн вӗренӳ тата ҫамрӑксен политикин министрӗн заместительне Александра Бочкаревӑна ӗҫрен кӑларнӑ. Йышӑнӑва республика ертӳҫи Олег Николаев паян, ҫу уйӑхӗн 5-мӗшӗнче, алӑ пуснӑ.
37 ҫулти Александра Сергеевна министрӑн ҫамрӑксен политики енӗпе ӗҫлекен ҫумӗнче кӑҫалхи нарӑс уйӑхӗнче ӗҫлеме тытӑннӑ. Унччен вӑл И.Н. Ульянов ячӗллӗ Чӑваш патшалӑх университетӗнче социаллӑ аталану пайӗн пуҫлӑхӗнче тӑрӑшнӑ.
ЧР спорт министрӗн халӗ икӗ ҫум кӑна тӑрса юлнӑ. Ҫу уйӑхӗн 2-мӗшӗнче ЧР Элтеперӗ Олег Николаев Алексей Чернова ӗҫрен кӑларасси пирки хушу алӑ пуснӑ.
Алексей Чернов асӑннӑ ведомствӑра пӗлтӗрхи ҫурла уйӑхӗн 12-мӗшӗнчен ӗҫлеме пуҫланӑ. Унччен вӑл Шупашкарти 1-мӗш спорт шкулӗн директорӗн тивӗҫӗсене пурнӑҫланӑ.
Халӗ спорт министрӗн Василий Петровӑн икӗ ҫум юлнӑ: Татьяна Рябинина тата Ольга Смирнова.
Малашне ЧР Элтеперӗн ҫамрӑксен политики енӗпе ӗҫлекен управленийӗ пулӗ. Ҫавна май Олег Николаев ЧР Вӗренӳпе ҫамрӑксен политикин министерствин ятне улӑштарасси пирки хушу кӑларнӑ. Вӑл ЧР Вӗренӳ министерстви пулӗ.
Ҫавӑн пекех "Авангард" вӗренӳпе методика центрӗ, Ҫамрӑксен пуҫарӑвӗсен центрӗ ҫӗнӗ управление пӑхӑнӗҫ.
Хальлӗхе управление кам ертсе пырасси паллӑ мар.
Паян, хӑйӗн ҫуралнӑ кунӗнче, Красноармейски район администрацийӗн пуҫлӑхӗ Борис Клементьев ӗҫрен хӑйӗн ирӗкӗпе каясси пирки заявлени ҫырнӑ. Паян вӑл 53 ҫул тултарнӑ.
Борис Клементьев ку должноҫре 2021 ҫулхи чӳк уйӑхӗнчен 25-мӗшӗнченпе ӗҫленӗ. Вӑл Красноармейски районӗнчи Янмурҫин ялӗнче ҫуралса ӳснӗ. Икӗ аслӑ пӗлӳ илнӗ. Ҫӗрпӳ тӑрӑхӗнче тӗп налук инспекторӗ пулнӑ, кайран "Газпром межрегионгаз Шупашкарӑн" Ҫӗрпӳри территори уйрӑмне ертсе пынӑ.
Пирӗн республикӑра Пӗрлехи информаци кунӗсене ирттерессине чӗртсе тӑратни пирки эпир унччен пӗлтернӗччӗ-ха.
Аса илтерер: вӗсен вӑхӑтӗнче тӳре-шара ӗҫ коллективӗсемпе тӗл пулать, вӑл е ку ҫивӗч ыйтусене хускатать, ҫынсен ыйтӑвӗсене хуравлать.
Черетлӗ информаци кунӗ ака уйӑхӗн 19-мӗшӗнче иртӗ. Ун чухне чӑвашсен аслӑ вӗрентекенӗ Иван Яковлев ҫуралнӑранпа 175 ҫул ҫитни пирки те сӑмах хускатӗҫ. Ку темӑна информкунӑн кун йӗркине кӗртнӗ.
Чӑваш Енӗн вӗренӳ тата ҫамрӑксен политикин министрӗн ҫумӗ пулма Марина Лежнинана ҫирӗплетнӗ. Йышӑнӑва республика ертӳҫи Олег Николаев ӗнер, ака уйӑхӗн 4-мӗшӗнче, алӑ пуснӑ.
Тӗнче тетелӗнчи уҫӑ ҫӑлкуҫсем тӑрӑх хакласан, Марина Николаевна Лежнина ятлӑ хӗрарӑм унччен Шупашкарти апатлану технологийӗпе коммерци техникумӗнче директорӑн воспитани тата социаллӑ ӗҫӗсем енӗпе заместитель пулса тӑрӑшни паллӑ.
Пуш уйӑхӗн 31-мӗшӗнче Чӑваш Ен Элтеперӗ Олег Николаев ҫынсен ыйӑвӗсене тӳрӗ эфирта хуравланӑ чухне Элӗк районӗнчи пӗр хӗрарӑм Мӑн Этмен плотини ишӗлме пуҫлани, «Испухан — Мӑн Ямаш» ҫул япӑхни пирки пӗлтернӗ.
Олег Николаев ҫирӗплетсе панӑ тӑрӑх, сметӑпа проект докуменчӗсене хатӗрлесе ҫитернӗ. Республика ертӳҫи ӗнентернӗ тӑрӑх, плотинӑна кӑҫал, ҫула ҫитес ҫул юсама палӑртнӑ.
Плотинӑсене тӗрӗслес ӗҫе республикӑра 2020 ҫултах пуҫланӑ-мӗн. Нумайӑшӗн хуҫи ҫук. Халӗ ҫав кӑлтӑка пӗтерессипе ҫине тӑраҫҫӗ.
Паян Чӑваш Ен Элтеперӗ Олег Николаев «Контактра» халӑх тетелӗнчи «Чувашская Республика», «Олег Николаев/Чувашия» ушкӑнсенче тӳрӗ эфир ирттерессине Чӑваш халӑх сайчӗ пӗтернӗччӗ-ха. Аса илтерер: вӑл 11 сехетре пуҫланнӑ.
Анчах эфир вӑхӑтӗнче Интернет-ҫыхӑнура пӑтӑрмах сиксе тухнӑ. Уншӑн Олег Николаев Телеграмри хӑйӗн каналӗнче ҫынсенчен каҫару ыйтса ҫырнӑ май кӑлтӑк сӑтавне тишкерсе тивӗҫлӗ йышӑну тума шантарнӑ. Унсӑр пуҫне вӑл телеверсие паян Чӑваш Енӗн Наци телекуравӗн эфирӗнче 20 сехет те 30 минутра пӑхма сӗннӗ.
РИА Новости пӗлтернӗ тӑрӑх, ЧР Пуҫлӑхӗ Олег Николаев текех айфонпа усӑ курмасть. Унӑн халӗ Раҫҫей туса кӑларнӑ Ayya смартфон-мӗн.
Агентство хыпарланӑ тӑрӑх, ҫак кунсенче Правительство ҫуртӗнче ӗҫлекенсем Олег Алексеевичӑн аллинче айфон мар, смартфон пулнине асӑрханӑ.
Сӑмах май, ҫулталӑк каялла Элтепер Инстаграмри (Раҫҫейре ӑна экстремистла сайт тесе йышӑннӑ) страницине те хупнӑ.
+15.3 °C