Чӑваш Ен спортсменӗсем черетлӗ ҫитӗнӳпе савӑнтарнӑ. Хӑвӑрт утас енӗпе спорт шкулӗнче вӗренекен спортсменкӑсем Швецире медальсем ҫӗнсе илнӗ.

Ӑмӑрту Швецири Эскильстуан хулинче иртет. Ҫӑмӑл атлетика енӗпе иртекен Европа чемпионачӗ юниорсен хушшинче пырать. Раҫҫейӗн пӗрлештернӗ командине пирӗн ентешсем те кӗнӗ.

Старт кунӗнчех пирӗн хӗрсем 10 000 метра хӑвӑрт утса пьедестал ҫине хӑпарнӑ. Чи лайӑх кӑтартупа Чӑваш Ен тата Мӑкшӑ Республики чысне хӳтӗлекен Клавдия Афанасьева палӑрнӑ. Вӑл пӗрремӗш вырӑна тухнӑ. Мӑкшӑ Республикинчи Ольга Шаргина иккӗмӗш пулнӑ. Пирӗн ентеш Мария Лосинова вара виҫҫӗмӗш картлашка ҫине хӑпарнӑ.

#спорт, #ӑмӑртусем, #Европа чемпионачӗ, #ҫӑмӑл атлетика, #Мӑкшӑ Республики, #Швеци, #Эскильстуан