Чӑваш Енри писательсен союзӗн пабликӗнчен илнӗ сӑнӳкерчӗк

Ҫурла уйӑхӗн 8-мӗшӗнче Чӑваш Енри ҫыравҫӑсем Йошкар-Олара иртнӗ темиҫе литература мероприятине хутшӑннӑ.

«Патша Кокшайскӗн Кремлӗ» культурӑпа истори комплексӗнче кӗнеке уявӗ иртнӗ. Ҫармӑссен II кӗнеке фестивальне кӗнеке кӑларакансемпе кӗнеке вулама юратакансем пуҫтарӑннӑ. Кӑҫалхи мероприятие «Пӗрле вулатпӑр — пӗрлӗхре пурӑнатпӑр» девизпа йӗркеленӗ. Унта Чӑваш Ен делегацийӗн йышӗнче Чӑваш кӗнеке издательствин редакторӗ Ольга Федорова хутшӑннӑ.

Кӗнеке уявне кайнисем Мускаври Игорь Караулов поэтпа тата Севастопольти Платон Беседин писательпе тӗлпулӑва хутшӑннӑ. Унта Чӑваш Енри вырӑсла ҫыракан авторсем: Александр Шпаннагель тата Светлана Гордеева поэтсем — пулнӑ. Йошкар-Оларан вӗсем хавхаланса таврӑннӑ.

#поэтсем, #фестивальсем, #литература, #ҫыравҫӑсем, #Мускав, #Севастополь, #Мари Эл, #Йошкар-Ола, #культура