Гонконгра «Four seasons» (чӑв. Тӑватӑ вӑхӑт) ятлӑ паллӑ хӑна ҫурчӗ вырнаҫнӑ, унӑн ҫӳллӗшӗ — 46 хут. «Франс Пресс» хыпар агентстви пӗлтернӗ тӑрӑх ӗнер, ака уйӑхӗн 15-мӗшӗнче, паллӑ «эрешмен-ҫын» Ален Робер ун ҫине ятарлӑ хатӗрсене усӑ курмасӑр хӑпарнӑ. Ҫӳле ҫитнӗ хыҫҫӑн, яланхи пекех, ӑна ярса тытнӑ. Ку хутӗнче ӑна полици мар, отель сыхлавҫисем ярса илнӗ — спортсмен вӗсемпе калаҫса татӑлман пулас.

Ултӑ ҫӑлтӑрлӑ «Four seasons» хӑна ҫурчӗ Гонконг варринче, финанс урамӗнче вырнаҫнӑ. Вӑл 46 хутран тӑрать, пӗтӗмӗшле ҫуллӗшӗ 206 метр. Ӑна 2005 ҫул вӗҫӗнче хута янӑ.

Хыпар ҫӑлкуҫӗ

#тӗнче хыпарӗсем